Tihlabelelo 17:3 - Siswati 1996 Bible

Uvivinye inhlitiyo yami, wangivakashela utengihlolisisa ebusuku, kepha awutfolanga lutfo lolubi kimi. Nome ngicabange lokubi, kodvwa umlomo wami awuzange ukhulume lokubi.

Tihlabelelo 17:3 Referencias Cruzadas

1 Tikhronike 28:9

“Wena-ke, Solomoni, ndvodzana yami, yenta Nkulunkulu weyihlo abe ligugu kuwe, umkhonte ngayo yonkhe inhlitiyo yakho nangengcondvo levumako, ngobe Simakadze uhlolisisa tonkhe tinhlitiyo acondzisise tonkhe tinjongo temicabango. Nawumfuna, utamtfola; kodvwa nawumlahla, naye utakuyekela phakadze naphakadze.

1 Tikhronike 29:17

Ngiyati, Nkulunkulu wami, kutsi wena uvivinya inhlitiyo ujatjuliswe bucotfo. Tonkhe letintfo ngitinikele ngenhlitiyo levumako nangekwetsembeka. Manje sengibonile ngekujabula kutsi sive sakho lesikhona lapha sinikele kanjani ngenhlitiyo levumako kuwe.

Jobe 23:10

Kodvwa yena uyayati indlela lengiyitsatsako; utawutsi angangivivinya, ngiphume sengiyigolide.

Jobe 24:14

Kutsi kungahlwa, umbulali avuke, abulale labamphofu nalabeswele; ebusuku uhamba eba, agcekeza tindlu njengelisela.

Tihlabelelo 11:5

Simakadze uyamvivinya lolungile, kodvwa uyamtondza lomubi nalotsandza budlova.

Tihlabelelo 119:106

Ngifungile ngafungisisa kutsi ngiyawuyilalela imitsetfo yakho yekulunga.

Tihlabelelo 139:1

Simakadze ungihlolisisile, uyangati.

Tihlabelelo 139:23

Ngihlolisise, Nkulunkulu, wati inhlitiyo yami! Ngilinge, wati imicabango yami,

Tihlabelelo 16:7

Ngiyamdvumisa Simakadze lowangeluleka, nanembeza wami uyangiyala ebusuku.

Tihlabelelo 26:2

Simakadze, ngihlole ungivivinye, uhlolisise inhlitiyo yami nengcondvo yami.

Tihlabelelo 39:1

Ngacabanga ngatsi: “Ngiyawunakekela tindlela tami, kuze ngingoni ngelulwimi lwami, umlomo wami ngiyakuwufaka sifonyo, yingci nangisesembikwalomubi.”

Tihlabelelo 66:10

Wena Nkulunkulu, usivivinyile, usihlambulule ngekusicenga njengekucengwa kwesiliva emlilweni.

Tihlabelelo 7:4

nangiphindzisele ngalokubi kumnganami, nome ngaphanga sitsa sami ngaphandle kwesono,

Taga 13:3

Umuntfu lobamba lulwimi lwakhe ulondvolota kuphila kwakhe; yebo, umuntfu lokhulumela futsi ulandza kuhlupheka.

Jeremiya 12:3

Noko uyangati mine, Simakadze; uyangibona, uvivinye imicabango yami ngawe. Bahudvule phansi njengetimvu tiyawuhlatjwa! Babeke eceleni, ubabekele lilanga lekuhlatjwa!

Jeremiya 50:20

Kulawo malanga, nangaleso sikhatsi, kuyawuphenywa ngelicala laka-Israyeli, kodvwa aliyiwutfolakala, kuphenywe nangetono takaJuda, kodvwa kute nasinye lesiyawutfolakala, ngobe ngiyakuyitsetselela insali lengayishiya,” kusho Simakadze.

Hoseya 7:6

“Tinhlitiyo tabo tinjengelihhavu, babhekana nayo ngekuvumelana ngemacebo. Intfukutselo yabo ibobotseka busuku bonkhe; bese kutsi ekuseni ivutse njengemalangabi emlilo.

Mikha 2:1

Maye kulabo labacabanga imicabango lemibi, labo labatsi balele babe bangakalali bacabanga emasu ekwenta bubi! Kutsi kungasa bakwente loko bebakuhlosile, ngobe banemandla ekukwenta loko.

Zakhariya 13:9

Lencenye yesitsatfu ngiyakuyimikisa emlilweni, ngibacenge njengesiliva, ngibahlolisise njengegolide. Bayakulibita Libito lami, bese mine ngiyabaphendvula; ngiyawutsi: ‘Bona babantfu bami;’ nabo batsi: ‘Simakadze nguNkulunkulu wetfu.’ ”

Malakhi 3:2

Kodvwa ngubani nje longamelana nelilanga lekufika kwakhe? Ngubani longema ekubonakaleni kwakhe? Ngobe uyawufanana nemlilo wemcengi nome nensipho yemgezi.

Imisebenti yebaPhostoli 11:23

Lapho efika wabona kutsi Nkulunkulu abebabusisile bantfu, watfokota wabancusa bonkhe kutsi betsembeke baciniseke eNkhosini ngetinhlitiyo tonkhe tabo.

Imisebenti yebaPhostoli 16:9

Ebusuku Pawula wabona umbono, wabona indvodza yaseMasedoniya imile imncenga itsi: “Yewelela eMasedoniya utesisita!”

1 kubaseKorinthe 4:4

Ngobe angitikhobosi ngalutfo ngekwami, noko-ke akusho kutsi loko kungenta ngemukeleke kuNkulunkulu kutsi ngilungile. Kodvwa yiNkhosi lengehlulelako.

2 kubaseKorinthe 1:12

Kutibonga kwetfu kunye, kutsi nembeza wetfu umhlophe embikwebantfu, ikakhulu kini. Ekutiphatseni kwetfu besimsulwa sesaba Nkulunkulu ngeliciniso, hhayi ngekuhlakanipha kwetfu, kepha ngemusa waNkulunkulu.

YaJakobe 3:2

Ngobe sonkhe siphosisa ngetindlela letinyenti; nakukhona longaphosisi ngekukhuluma, lowo uphelele ngempela, ngobe uyakwati kubamba ngisho nemtimba wakhe wonkhe shangatsi ngematomu.

1 yaPhetro 1:7

Injongo yaletilingo kutsi kukholwa kwenu kuvivinywe, kuze kubonakale bungiko bako. Ngisho negolide lebhubhako ihlolisiswa ngemlilo bungiyo bayo, kanjalo-ke nekukholwa kwenu lokuligugu kunegolide kufanele kutsi kuvivinywe bungiko bako. Khona-ke niyawutfola kubongwa, nebukhosi, neludvumo ekwembulweni kwaJesu Khristu.

1 Samuweli 24:10

Lamuhla utibonele ngewakho emehlo kutsi Simakadze abekunikele kanjani esandleni sami lapha emhumeni. Labanye bebatsi angikubulale, kodvwa mine ngakuhawukela, ngatsi: ‘Ngingeke ngiyiphakamisele sandla inkhosi yami, ngobe ingulogcotjiwe waSimakadze.’

1 Samuweli 24:12

Shangatsi Simakadze angakhipha sigwebo emkhatsini wetfu sobabili. Shangatsi Simakadze angangiphindziselela ngabo bonkhe lobubi lobente kimi; kodvwa mine sandla sami singeke sikutsintse.

1 Samuweli 26:11

Kodvwa Simakadze akangavumi kutsi ngingabeka sandla sami etikwalogcotjiwe waSimakadze. Asitsatse lesikhali sakhe kanye nalelichaga lakhe lemanti lokusedvute nenhloko yakhe, sihambe.”

1 Samuweli 26:23

Simakadze umnika umvuzo wonkhe umuntfu lolungile nalowetsembekile. Lamuhla Simakadze abekunikele esandleni sami, kodvwa angikatsandzi kubeka sandla sami etikwalogcotjiwe waSimakadze.