Tihlabelelo 141:4 - Siswati 1996 Bible

Ngente ngingakutsandzi kwenta lokubi, ngingahlanganyeli nalababi emisebentini yabo lemibi, ngingahlanganyeli nasemadzilini abo.

Tihlabelelo 141:4 Referencias Cruzadas

Genesisi 27:14

Wahamba, wafike wawatsatsa wawaletsa kunina. Unina walungiselela Isaka kudla lokumnandzi.

1 Emakhosi 13:8

Kodvwa lomuntfu waNkulunkulu waphendvula lenkhosi, watsi: “Nome ngabe bewutanginika incenye yaloko lonako, bengingeke ngihambe nawe, futsi bengingeke ngidle nekudla, nginatse nemanti akakho,

1 Emakhosi 22:22

“Simakadze wawubuta watsi: ‘Kanjani?’ “Umoya waphendvula watsi: ‘Ngitawuphuma ngibe ngumoya wemanga emlonyeni wabo bonkhe baphrofethi bakhe.’ “Simakadze watsi: ‘Cha, wena-ke utawuphumelela kumhunga nembala. Hamba, wente njalo.’

1 Emakhosi 8:58

Akamane agucule tinhlitiyo tetfu tibuke kuye, kutsi sihambe ngato tonkhe tindlela takhe, sigcine imiyalo yakhe, netimiso takhe, nemitsetfo yakhe layinika bobabemkhulu.

Tihlabelelo 119:36

Condzisa inhlitiyo yami ekutfobeleni timiso takho, ingalitjatiswa yingcebo.

Tihlabelelo 28:3

Ungangilahli kanye nalababi, ungangilahli kanye nalabenta lokubi, labakhuluma kuthula nabomakhelwane babo, kantsi etinhlitiyweni tabo bamumetse bubi.

Isaya 63:17

Awu Simakadze, usivumelelani kutsi seduke etindleleni takho, utenteleni kutsi tibe lukhuni tinhlitiyo tetfu, kuze singetikuhlonipha wena? Mane ubuye ngenca yetinceku takho, tive letilifa lakho.

Numeri 25:2

Laba labasikati bawamema lamadvodza kutsi ete atekwenta umhlatjelo kubonkulunkulu babo. Lamadvodza adla, akhotsama, akhonta labonkulunkulu bemaMowabi.

Matewu 6:13

Ungasingenisi ekulingweni, kodvwa usisindzise kulokubi. [Ngobe umbuso wakho, nemandla, nebukhosi, kuze kube phakadze. Amen.]’

1 kubaseKorinthe 10:31

Imphendvulo yami itsi: Nome niyadla, nome niyanatsa, nome nentani-ke lokunye, konkhe akwentelwe ludvumo lwaNkulunkulu.

1 kubaseKorinthe 15:33

Ningayengeki: “Bangani lababi bonakalisa similo lesihle.”

2 kubaseKorinthe 6:17

INkhosi yaphindza yatsi: “Phumani emkhatsini wabo, nehlukane nabo. Ningakutsintsi lokungcolile, ngiyawube sengiyanemukela.”

Dutheronomi 2:30

“Kodvwa Sihoni, inkhosi yaseHeshboni, akazange asivumele kutsi sendlule sidzabule live lakhe, ngobe Simakadze Nkulunkulu wenu wenta umoya wakhe waba lukhuni nenhlitiyo yakhe yaba nenkhani; loko wakwentela kutsi atekumnikela etandleni tenu, njengobe kunjalo lamuhla.

Dutheronomi 29:4

kodvwa kuze kube ngulamuhla Simakadze akakaniniki ingcondvo lecondzako nemehlo labonako nome tindlebe letivako.

YaJakobe 1:13

Umuntfu lolingwako angabosho kutsi: “Ngilingwa nguNkulunkulu;” ngobe Nkulunkulu angeke alingwe ngalokubi, futsi akalingi muntfu.

Sembulo 18:4

Ngase ngiphindze ngiva lelinye livi liphuma ezulwini litsi: “Sive sami, phumani kuyo, ningahlanganyeli nayo etonweni tayo, funa nehlelwe kuhlushwa kanye nayo.