Leli livi lesembulo lelimacondzana neBhabhulona, lihlane lelingaselwandle: Njengetiwunguwungwana tihhusha tendlula eveni laseningizimu, kanjalo umhlaseli uchamuka ngasehlane, eveni lelesabekako.
Tihlabelelo 137:8 - Siswati 1996 Bible Wena Bhabhulona, uyawubhidlitwa. Ubusisiwe umuntfu loyawubuyisela kuwe tento takho lowake watenta kitsi, |
Leli livi lesembulo lelimacondzana neBhabhulona, lihlane lelingaselwandle: Njengetiwunguwungwana tihhusha tendlula eveni laseningizimu, kanjalo umhlaseli uchamuka ngasehlane, eveni lelesabekako.
Ngimi futsi lokhuluma ngaKhuresi atsi: ‘Ungumelusi wami, uyawukwenta konkhe loko lengikutsandzako; uyawukhuluma ngeJerusalema, atsi: “Ayakhiwe kabusha,” nangelithempeli atsi: “Akwakhiwe tisekelo talo.” ’ ”
Leli livi Simakadze lalikhuluma ngemlomo waJeremiya, umphrofethi, macondzana neBhabhulona nangelive lemaBhabhulona, litsi:
“Butsani banembi bamelane neBhabhulona, bonkhe labakwati kujijimeta ngebutjoki, niyitungelete yonkhe, kubete lophunyulako. Yikhokheleni njengetento tayo; yentani kuyo njengobe nayo yenta. Ngobe yedzelele Simakadze, longuLongcwele waka-Israyeli.
Jabulani, nitfokote, nine mazulu. Jabulani nani labangcwele, nani baphostoli, nani baphrofethi; ngobe Nkulunkulu sewuyehlulele iBhabhulona, waniphindziselela kuyo!
Yiphatseni njengobe beyibaphetse labanye, nibuyisele kuyo ngalokuphindziwe, kuye ngemisebenti yayo. Nigcwalise indzebe yayo ibe nemandla ngalokuphindziwe kuloko leyakwenta kini.