Tihlabelelo 128:5 - Siswati 1996 Bible

Shangatsi Nkulunkulu angakubusisa aseSiyoni, shangatsi ungabona kuchuma kweJerusalema emphilweni yakho yonkhe.

Tihlabelelo 128:5 Referencias Cruzadas

Tihlabelelo 118:26

Ubusisiwe lotako egameni laSimakadze. Sinibusisa sisendlini yaSimakadze.

Tihlabelelo 122:6

Thandazelani kutsi kube nekuthula eJerusalema: “Shangatsi bangaphumelela babe nenhlanhla, bantfu labatsandza wena, Jerusalema.

Tihlabelelo 134:3

Shangatsi Simakadze anganibusisa aseSiyoni, yena lowadala lizulu nemhlaba.

Tihlabelelo 135:21

Akabongwe Simakadze eSiyoni, yena lohlala eJerusalema. Akabongwe Simakadze.

Tihlabelelo 20:2

Akakutfumelele lusito lwasendlini lengcwele akusekele asentsabeni yakhe iSiyoni.

Tihlabelelo 20:3

Akayikhumbule yonkhe iminikelo yakho, ayemukele neminikelo yakho yekushiswa. Cabanga.

Isaya 2:3

Bantfu labanyenti bayawufika batsi: “Wotani, senyukele entsabeni yaSimakadze, endlini yaNkulunkulu waJakobe. Utasifundzisa tindlela takhe, khona sitewuhamba emikhondvweni yakhe.” Ngobe umtsetfo uyawuphuma eSiyoni, livi laSimakadze liphume eJerusalema.

Isaya 33:20

Buka iSiyoni, lidolobha lemadzili etfu; emehlo akho ayakuyibona iJerusalema, indzawo yekuhlala lenekuthula, nelithende lelingeke lisuswe; tikhonkhwane talo tingeke tisishulwe, kungeke kudzabuke ngisho nayinye yetindophi talo.

Kubase-Efesu 1:3

Akabongwe Nkulunkulu longuYise weNkhosi yetfu Jesu Khristu, ngobe usibusise kuKhristu ngato tonkhe tibusiso taMoya tasezulwini.