Tihlabelelo 122:7 - Siswati 1996 Bible

Akube nekuthula ngekhatsi kwetindvonga takho, kube nekuphepha etigodlweni takho.”

Tihlabelelo 122:7 Referencias Cruzadas

1 Tikhronike 12:18

Moya wabe sewehlela ku-Amasayi, lowabe sewuyabekwa kutsi abe ngumholi walabangema-30, watsi: “Davide, msa waJese, tsine sibakho! Sihambisana nawe! Imphumelelo! Nalabo labakusitako ababe nemphumelelo! Ngobe Nkulunkulu wakho utakusita.” Davide wavele wabemukela, wababeka baba baholi bemabutfo akhe ekuhlasela.

Tihlabelelo 48:13

Bukisisani tindvonga tayo, nihambahambe etindlini tayo tebukhosi, nize nilandzise netitukulwane letitako

Tihlabelelo 48:3

Nkulunkulu usetindlini talo, naye utibonakalisile kutsi uyinqaba yalo sibili.

Isaya 54:13

“Bonkhe bantfu bakho bayawufundziswa nguSimakadze, inhlalakahle nekuthula kwebantfwana bakho kuyawuba kukhulu.

Isaya 9:7

Umbuso wakhe uyawukhula, kuthula nenhlalakahle kungeke kuphele. Uyawubusa esihlalweni sebukhosi saDavide, nasembusweni wakhe. Uyakuwumisa awusekele ngekwemtsetfocotfo nangekulunga, kusukela kuleso sikhatsi kuze kube nguphakadze naphakadze. Inshisekelo yaSimakadze longuSomandla iyawukwenta loko.

Johane 14:27

“Nginishiya nekuthula. Lokuthula lenginipha kona akufanani nesipho selive. Tinhlitiyo tenu tingabokhatsateka futsi tingesabi.

YaJakobe 3:18

Bantfu labaletsa kuthula, basuke bahlanyela kuthula, bese bavuna kulunga.