Lusito lwami luchamuka kuSimakadze lowenta lizulu nemhlaba.
Ekucaleni Nkulunkulu wadala lizulu nemhlaba.
Shangatsi ningabusiswa nguSimakadze, yena lowenta lizulu nemhlaba.
Lusito lwetfu lusegameni laSimakadze lowente lizulu nemhlaba.
Nkulunkulu siphephelo setfu nemandla etfu, utfolakala alusito ekuhluphekeni.
Ngobe mine nginguSimakadze, Nkulunkulu wakho, lobamba sandla sakho sangesekudla, atsi kuwe: ‘Ungesabi, ngitakusita.’
Kodvwa Simakadze ume ngakimi njengelichawe lemphi lelinemandla; ngako-ke bahluphi bami bayawukhubatela, ngeke baphumelele. Batakwehluleka batseleke ngalelikhulu lihlazo, badliwe ngemahloni langayiwuphindze akhohlakale.
“Awu, Israyeli, ngiyawukubhubhisa ngobe umelene nami, uphambene nemsiti wakho.
Ngaloko singasho ngesibindzi sitsi: “INkhosi ingumsiti wami; ngingeke ngesabe. Umuntfu angangentani nje?”