Ngiphakamisela emehlo ami etintsabeni; lusito lwami luyawuchamuka kuphi?
Nangisekuhluphekeni, ngiyakhala kuSimakadze, yena angiphendvule.
Ngiphakamisela emehlo ami ngakuwe, wena lohleti ebukhosini bakho ezulwini.
“Ngimi loyibekile inkhosi eSiyoni, inkhosi lengiyikhetsile ngiyibeke eSiyoni, intsaba yami lengcwele.”
Kepha wakhetsa sive sakaJuda, iNtsaba iSiyoni, labeyitsandza kakhulu.
Simakadze ubeke likhaya lakhe etikwentsaba lengcwele.
Bantfu labanyenti bayawufika batsi: “Wotani, senyukele entsabeni yaSimakadze, endlini yaNkulunkulu waJakobe. Utasifundzisa tindlela takhe, khona sitewuhamba emikhondvweni yakhe.” Ngobe umtsetfo uyawuphuma eSiyoni, livi laSimakadze liphume eJerusalema.
Impela, kukhonta kwetfu tithico, yebo, kuyaluka emagcumeni nasetintsabeni kutiyenga nje. Impela insindziso yaka-Israyeli ikuSimakadze Nkulunkulu wetfu.