Tihlabelelo 119:96 - Siswati 1996 Bible

Ngifundze kutsi: Yonkhe intfo, nome iyinhle kanganani, inemkhawulo; kodvwa imiyalo yakho ite umkhawulo.

Tihlabelelo 119:96 Referencias Cruzadas

2 Samuweli 14:25

Kulo lonkhe laka-Israyeli kute indvodza leyayidvume ngebuhle kwendlula Absalomu. Abemuhle kusuka etulu enhloko kuye phansi elunyaweni, ate ngisho nalesincane sici.

2 Samuweli 16:23

Ngaleso sikhatsi, nome ngabe ngusiphi seluleko lesasiletfwa ngu-Ahithofeli sasemukeleka kube shangatsi ngulona livi laNkulunkulu; bobabili boDavide na-Absalomu babevele basilalele.

2 Samuweli 17:23

Ahithofeli watsi kube abone kutsi seluleko sakhe abakasilandzeli, wabophela imbongolo yakhe, waphuma, wabanga ekhaya kakhe lelalisedolobheni lakubo. Wacala walungisa kahle tonkhe tintfo tasemndenini wakakhe, wase uyatikhunga, wafa; wangcwatjwa edlizeni leyise.

2 Samuweli 18:14

Jowabe wayiphendvula watsi: “Angisenawucitsa sikhatsi nawe kanje.” Watsatsa tikhali letintsatfu, watiphisela esifubeni sa-Absalomu asengakafi, alenga esihlahleni sem-okhi.

2 Samuweli 18:17

Atsatsa sidvumbu sa-Absalomu asijika esihholweni ehlatsini, ambonya lesihholo ngendvundvuma yematje. Ngaleso sikhatsi onkhe ema-Israyeli labehamba na-Absalomu abaleka abuyela emakhaya awo.

Umshumayeli 12:8

UMshumayeli utsi: “Lite lelite, konkhe kulite.”

Umshumayeli 2:11

Ngako ngesuka lapho ngayibukisisa kahle yonkhe imisebenti yetandla tami, wonkhe umshikashika nekukhandleka kwami bekulite, kufanana nekucosha umoya! Kute lokwaba yinzuzo lapha ngaphansi kwemtfunti welilanga.

Umshumayeli 7:20

Kute nome munye umuntfu lolungile emhlabeni lowenta lokuhle kuphela, kubete lakonako.

Matewu 24:35

Lizulu nemhlaba kuyakwendlula, kodvwa emavi ami wona angeke endlule.”

Matewu 5:18

“Ngicinisile, ngitsi kini: Kuyakudzimate kwendlule lizulu nemhlaba seloku kute ngisho nalelincane nje lichashatana lelitawususwa emtsetfweni, kuze kufezeke konkhe.

Matewu 5:28

Kepha mine ngitsi kini: Ngulowo nalowo lobuka lomsikati, bese uyamkhanuka, sewuphinge naye enhlitiyweni yakhe.

KubaseRoma 7:14

Siyati kutsi umtsetfo waMoya, kodvwa mine ngingumuntfu wemhlaba, lotsengiswe esonweni.

1 Samuweli 17:8

Goliyathi wema, wamemeta leticheme temphi yema-Israyeli, watsi: “Niteleni lapha kutawuma emahele emphi? Angisiye umFilisti yini mine? Nine anisito yini tinceku taSawula? Khetsani indvodza ibe yinye emkhatsini wenu, niyitfumele lapha kimi.

1 Samuweli 9:2

Yayinendvodzana leyayinguSawula, libhungu lelalilihle kakhulu lehlula onkhe ema-Israyeli, lilidze kwendlula onkhe ema-Israyeli, bonkhe labanye bantfu babekhawula emahlombe alo.