Timiso takho ngitawutilalela; ungangishiyi nakancane.
Ngifungile ngafungisisa kutsi ngiyawuyilalela imitsetfo yakho yekulunga.
Ngikhala kuwe ngayo yonkhe inhlitiyo yami, ngiphendvule, Simakadze; ngiyawutigcina timiso takho.
Ngiyawutfokota ngetimiso takho; ngingeke ngilikhohlwe livi lakho.
Ngedukile, njengemvu lelahlekile. Ngifune, mine nceku yakho, ngobe imiyalo yakho angikayikhohlwa.
Ungangicoshi ebusweni bakho, ungangemuki Moya wakho Longcwele.
Nanyalo-ke nome sengigugile sengimphunga, ungangishiyi, Nkulunkulu, kuze ngishumayele ingalo yakho kuso situkulwane, nemandla akho kubo bonkhe labefikako.
Ungangilahli esikhatsini sebudzala bami, ungangikhohlwa nase ngiphelelwa ngemandla.
Nginemandla ekwenta konkhe ngaye Khristu longicinisako.
Kodvwa nangabe kukhonta Simakadze kubonakala kungatsandzeki kini, ngako khetsani lamuhla kutsi nitawukhonta bani, nome bonkulunkulu lababekhontwa bokhokho benu ngesheya kweMfula, nome bonkulunkulu bema-Amori, akulelive lese nakhe kulo. Kodvwa mine nendlu yami sitawukhonta Simakadze.”