Ngiyawukudvumisa ngenhlitiyo lecotfo ngesikhatsi ngifundza tehlulelo takho letilungile.
Awubongwe, Simakadze! Ngifundzise timiso takho.
Phatsa inceku yakho ngemusa wakho, ungifundzise timiso takho.
Ngiyawukudvumisa ngaso sonkhe sikhatsi, ngobe ungifundzisa timiso takho.
Ngente ngiticondzisise timiso takho, kuze ngikhulume ngetimangaliso takho.
Simakadze, umhlaba ugcwele umusa wakho; ngifundzise timiso takho.
Tandla takho tangidala tangibumba; ngiphe ingcondvo yekufundza imiyalo yakho.
Ngifundzise kwenta intsandvo yakho, ngobe wena unguNkulunkulu wami. Moya wakho lomuhle akangiholele endleleni lebekile.
Simakadze, ngiyawukubonga ngenhlitiyo yami yonkhe, ngilandze ngayo yonkhe imisebenti yakho lemangalisako.
Naku lokushiwo nguSimakadze, uMhlengi wenu, Longcwele waka-Israyeli, utsi: “NginguSimakadze Nkulunkulu wenu, longuyena anifundzisa kutsi ngukuphi lokuncono kunako konkhe kini, lonilayela indlela lekufanele nihambe ngayo.
Kubhaliwe kubaphrofethi kutsi: ‘Bonkhe bayawuba ngulabafundziswe nguNkulunkulu.’ Bonkhe labevile kuBabe, bafundza kuye, bayeta kimi.