Simakadze, umhlaba ugcwele umusa wakho; ngifundzise timiso takho.
Unisela tintsaba ngemvula utihlalele etulu, nemhlaba weneliswe sitselo semsebenti wakho:
Awubongwe, Simakadze! Ngifundzise timiso takho.
Tonkhe tindlela tami ngateneka kuwe, wena wangiphendvula, ngako-ke ngifundzise timiso takho.
Simakadze muhle kubo bonkhe, uyayihawukela imisebenti yakhe yonkhe.
Ngifundzise indlela yakho, Simakadze, ungihole endleleni lecondzile ngenca yetitsa tami.
Simakadze utsandza kulunga nebumsulwa. Umhlaba ugcwele umusa waSimakadze.
Bantfu labanyenti bayawufika batsi: “Wotani, senyukele entsabeni yaSimakadze, endlini yaNkulunkulu waJakobe. Utasifundzisa tindlela takhe, khona sitewuhamba emikhondvweni yakhe.” Ngobe umtsetfo uyawuphuma eSiyoni, livi laSimakadze liphume eJerusalema.
Bekani lijoko lami etikwenu, nifundze kimi, ngobe mine ngimnene, ngitfobekile ngenhlitiyo, khona niyawutfola kuphumula kwemiphefumulo yenu;