Tihlabelelo 119:32 - Siswati 1996 Bible

Ngiyawugijima ngendlela yemiyalo yakho, ngobe nguwe lotakwandzisa kucondza kwami.

Tihlabelelo 119:32 Referencias Cruzadas

Genesisi 26:22

Wesuka lapho wayakumba lesinye sicobho, sona-ke abazange baphikisane ngaso, ngako wasetsa watsi yiRehobothi, atsi: “Njengobe Simakadze sewusentele indzawo, sitakwandza sibe tinjinga kulelive.”

1 Emakhosi 4:29

Nkulunkulu wapha Solomoni kuhlakanipha, nekubona tintfo ngendlela lejulile, wamupha nekucondzisisa lokubanti nalokungenamkhawulo njengesihlabatsi saselusentseni lwelwandle.

Tihlabelelo 119:45

Ngiyawuhamba ngekukhululeka, ngobe ngetamile kuhlonipha imitsetfo yakho.

Tihlabelelo 18:36

Wentele tinyatselo tami indzawo lebanti kuze emacakala ami angabhinyiliki.

Ingoma Yetingoma 1:4

Ngitsatse ngihambe nawe, asisheshise! Inkhosi ayingingenise esigodlweni sayo. Siyajabula sikutsakasele; sitaludvumisa lutsandvo lwakho, siludvumise kwendlula liwayini. Kufanele kutsi bakutsandze.

Isaya 40:31

kodvwa labo labetsembele kuSimakadze batfola emandla lamasha. Bayawukhuphuka ngemaphiko njengetinsweti, bayawugijima bangadzinwa, bayawuhamba bangaphelelwa ngemandla.

Isaya 60:5

Utawube sewuyabuka umoyitele, inhlitiyo yakho iyawugcumagcuma, inetsetele ngenca yekujabula. Imicebo leselwandle iyawuletfwa kuwe, bunjinga betive buyawuta kuwe.

Isaya 61:1

Moya weNkhosi Simakadze ukimi, ngobe Simakadze ungigcobile, kutsi ngishumayele tindzaba letimnandzi kulabamphofu. Ungitfume kutsi ngitewubopha labo labatinhlitiyo tabo tidzabukile. Ungitfume kutawumemetela kukhululwa kulabatfunjiwe, nekukhululwa kulababoshiwe.

Johane 8:32

niyawulati liciniso, neliciniso liyawunikhulula.”

Johane 8:36

Ngako-ke nangabe iNdvodzana inikhulula, nitawuba ngulabakhululekile sibili.

2 kubaseKorinthe 3:17

INkhosi inguye Moya, lapho akhona Moya nenkhululeko ikhona.

2 kubaseKorinthe 6:11

Sikhuluma kini, nine baseKhorinte, inhlitiyo yetfu ivulekele kini.

KumaHebheru 12:1

Ngako-ke, njengobe situngeletwe sicumbi lesikhulu kangaka sabofakazi, asilahle konkhe lokusindzako, nesono lesigigelana njengelwanca. Asigijime ngekucinisela kulomncintiswano losembikwetfu,

1 yaPhetro 2:16

Nitiphatse njengebantfu labakhululekile, kodvwa ningakusebentisi kukhululeka kwenu kube simbonyo salokubi; kodvwa tiphatseni njengetinceku taNkulunkulu.