Livi lakho ngiyalijabulela, ngijabule njengemuntfu lotfole umcebo.
Timiso takho tilifa lami laphakadze, yebo, tiyinjabulo yenhlitiyo yami.
Ngijabulela kuhamba ngemiyalo yakho, kunekutsi ngibe nebunjinga bonkhe.
Umtsetfo lophuma emlonyeni wakho muhle kunemali yonkhe yemhlaba.
Kuncono kuhlala nalabacindzetelwe ube phansi, kunekutsi ube nesabelo neticebi.
Sewusandzisile sive, wandzisa nekujabula kwaso; siyajabula embikwakho njengebantfu bajatjuliswa sivuno, nanjengebantfu nabajatjuliswa kwaba imphango.
Emavi akho atsi nakefika kimi, ngawadla, aba yinjabulo yami nentfokoto yenhlitiyo yami, ngobe ngibitwa ngeLibito lakho, awu, Simakadze Nkulunkulu longuSomandla.
Wamikisa Davide, wabakhandza bakhona lapho, basakateke nato tonkhe leto tikhotsa, badla, banatsa, batitika ngemphango, ngenca yebunyenti baloko lababekutfumbile eveni lemaFilisti nelakaJuda.