Umgomo welivi lakho liciniso sibili; tonkhe timiso takho letilungile tiyawuma kuze kube phakadze.
Timiso takho tetsembekile, tetsembeke kakhulukati.
Kulunga kwakho kukulunga kwaphakadze, nemtsetfo wakho uliciniso.
Timiso takho tiliciniso phakadze naphakadze; ngifundzise tona ngitewuphila ngato.
Timiso takho ngatifundza kadzeni, watimisa ingunaphakadze.
Ngiyati, Nkulunkulu, kutsi tehlulelo takho tilungile, nekutsi ungijezise njengobe kungifanele.
Imiyalo yakho yonkhe yetsembekile. Ngisite, ngobe bantfu bangitingela ngaphandle kwesono.
“Nkulunkulu wetsembekile etetsembisweni takhe. Uyabaphephisa labo labeta kutewukhosela kuye.
Ngiyati kutsi konkhe lokwentiwa nguNkulunkulu kuyakuma phakadze naphakadze; kute lokungengetwa nalokungacetunwa kuko. Konkhe ukwenta ngendlela yekutsi bantfu batfutfumele ebukhoneni bakhe.
“Ngicinisile, ngitsi kini: Kuyakudzimate kwendlule lizulu nemhlaba seloku kute ngisho nalelincane nje lichashatana lelitawususwa emtsetfweni, kuze kufezeke konkhe.
Yonkhe imiBhalo iphefumulelwe nguNkulunkulu; ilungele kufundzisa, nekusola, nekucondzisa, nekuyala ngekulunga,