Wena, Nkulunkulu, usiphephelo sami nesihlangu sami, litsemba lami ngilibeke evini lakho.
Ngiphe emandla ekukhuluma liciniso, ngobe litsemba lami ngilibeke etimisweni takho.
Labesaba wena bayawutsi nabangibona bajabule, ngobe mine ngetsemba livi lakho.
Umphefumulo wami ulambele insindziso yakho, litsemba lami ngilibeke evini lakho.
Kodvwa-ke wena, Simakadze, ulihawu lami, nebukhosi bami, uyangisimisa, unginike sibindzi sekuncoba.
Ngelivi lami ngikhala kuSimakadze, uyangiphendvula asentsabeni yakhe lengcwele. Cabanga.
Wena uyindzawo yami yekubhaca, uyangiphephisa ekuhluphekeni ungisingatse ngetingoma tenkhululeko. Cabanga.
Ngobe Simakadze, Nkulunkulu ulilanga letfu nesihlangu sekusivikela. Simakadze usipha umusa asente sihlonipheke. Angeke abagodlele lutfo loluhle labo labahamba ngebucotfo embikwakhe.
Ngulowo nalowo wabo uyawufanana nesiphephelo emoyeni, abe ngumkhoselisi kuso sivunguvungu, abe njengemifula yemanti ehlane, afanane nelitfunti lelidvwala lelikhulu eveni lelomele emanti.