Tihlabelelo 119:111 - Siswati 1996 Bible

Timiso takho tilifa lami laphakadze, yebo, tiyinjabulo yenhlitiyo yami.

Tihlabelelo 119:111 Referencias Cruzadas

Tihlabelelo 119:127

Imiyalo yakho ngiyitsandza kakhulu, kwendlula igolide, ngisho igolide lecengeke kakhulu.

Tihlabelelo 119:14

Ngijabulela kuhamba ngemiyalo yakho, kunekutsi ngibe nebunjinga bonkhe.

Tihlabelelo 119:162

Livi lakho ngiyalijabulela, ngijabule njengemuntfu lotfole umcebo.

Tihlabelelo 119:174

Ngomele insindziso yakho, Simakadze, nemtsetfo wakho ukujabula kwami.

Tihlabelelo 119:74

Labesaba wena bayawutsi nabangibona bajabule, ngobe mine ngetsemba livi lakho.

Tihlabelelo 119:92

Kube umtsetfo wakho bewungesiyo injabulo yami, ngabe sengabhubhela ekuhluphekeni kwami.

Tihlabelelo 16:5

Simakadze, wena usabelo lesilifa lami, ungipha konkhe lengikudzingako. Likusasa lami lisetandleni takho.

Tihlabelelo 19:8

Imitsetfo yaSimakadze icondzile, ingumtfombo wekujabula kwenhlitiyo. Umyalo waSimakadze umsulwa, uvula emehlo engcondvo.

Tihlabelelo 19:9

Kwesaba Simakadze kuhlantekile, kuyawuhlala kukhona naphakadze. Tincumo tetehlulelo taSimakadze tiliciniso, tilunge tonkhe, kantsi atinakusoleka.

Isaya 54:17

kute sikhali lesilolelwa kulwa nawe lesiyawuphumelela, uyakuyicitsa yonkhe inkhulumo lekubeka licala. Leli lifa letinceku taSimakadze, loku ngukona kutivikela kwami,” kusho Simakadze.

Jeremiya 15:16

Emavi akho atsi nakefika kimi, ngawadla, aba yinjabulo yami nentfokoto yenhlitiyo yami, ngobe ngibitwa ngeLibito lakho, awu, Simakadze Nkulunkulu longuSomandla.

Imisebenti yebaPhostoli 26:18

Utawuvula emehlo abo, kuze besuke ebumnyameni bagucukele ekukhanyeni besuke nasemandleni aSathane baye kuNkulunkulu, kuze batsetselelwe tono tabo babelwe nendzawo emkhatsini walabahlantwe ngekukholwa kimi.’ ”

Dutheronomi 33:4

umtsetfo lesawunikwa nguMosi, lifa lesive sakaJakobe.

KubaseKholose 1:12

nibonge uYise lowanenta nafanelwa sabelo selifa lalabangcwele ekukhanyeni.

KumaHebheru 9:15

Ngako-ke unguMlamuli wesivumelwane lesisha, kuze kutsi labo lababitiwe batfole lifa laphakadze; ngobe ngekufa kwakhe sebakhululwe etiphambukweni tabo tesikhatsi sesivumelwane sekucala.

1 yaPhetro 1:4

Ngalo lelitsemba sinelifa lelingapheli, lelingenasici, nalelingaphuphi, lenilondvolotelwe lona ezulwini.

1 yaPhetro 1:8

Niyamtsandza, nome ningazange senimbone; niyakholwa kuye nome ningakamboni, futsi nitfokota ngenjabulo lengenawuchazeka ngemavi emlomo,