Tihlabelelo 118:27 - Siswati 1996 Bible Simakadze nguNkulunkulu, wasipha kukhanya, wasikhanyisela. Hlabani lihele leMkhosi, niphatse emacembe ngetandla tenu, nize nifike etimphondvweni telilati. |
Elija wasondzela embikwesive, wafike watsi: “Kuyawuze kube ngunini solomane nindziyatela emkhatsini wemicondvo lemibili? Nangabe Simakadze anguNkulunkulu, landzelani yena; kodvwa nangabe Bhali anguNkulunkulu, landzelani yena.” Kodvwa sive asizange sikhulume.
Batsi kube bantfu bakubone loko, baguca phansi bakhotsama, bakhala, batsi: “Simakadze unguNkulunkulu! Simakadze unguNkulunkulu!”
Ngelilanga lelilandzelako benta imihlatjelo neminikelo yekushiswa kuSimakadze: tinkunzi letiyinkhulungwane, netihhanca letiyinkhulungwane, nemazinyane lamadvuna etimvu latinkhulungwane, neminikelo yayo yetinatfo kanye naleminye imihlatjelo leminyenti, bentela Israyeli wonkhe.
KumaJuda lelo kwaba lilanga nesikhatsi sekutsakasa, nekutfokota, nekujabula, nekudvumisa.
Nguwe lowokhela sibane sami, Simakadze, Nkulunkulu wami; ugucula bumnyama bami abente bube kukhanya.
Kulunga kwakho uyawukwenta kugcame njengekukhanya, nebucotfo bakho bukhanye njengemini.
Lamakona lamane ubowenta abe netimphondvo lapha ngetulu, tihlangane tibe yintfo yinye nelilati, konkhe loku ubokwembesa ngelitfusi.
Wenta emakona lamane aba netimphondvo lapha ngetulu, watihlanganisa taba yintfo yinye nelilati; konkhe loko kwembeswa ngelitfusi.
“Vuka, Jerusalema, ukhanye njengelilanga, ngobe kukhanya kwakho kufikile. Inkhatimulo yaSimakadze iphumela etikwakho.
Bantfu labahamba ebumnyameni bakubonile kukhanya lokukhulu; kulabo labahlala eveni lelitfunti lekufa kukhanya sekuchamukile.
Sonile kuSimakadze, ngako nyalo kufanele kutfukutsela kwakhe sikubeketelele kwesikhashana. Kodvwa ekugcineni uyawusivikela, acondzise loko lokubi lokwentiwe kitsi. Uyawusiletsa asifake ekukhanyeni; yebo, siyawuphila, simbone asisindzisa.
Kodvwa kini lenilesabako Libito lami, lilanga lekulunga liyawuphuma linekuphilisa etimphikweni talo. Niyawuphuma nitjakadvule njengemankhonyane lakhululwe etisingeni tawo.
Jesu wakhuluma kubo futsi watsi: “Mine ngikukhanya kwelive. Lowo longilandzelako angeke asahamba ebumnyameni, kodvwa uyawuba nekukhanya kwekuphila.”
Asimbonge njalo Nkulunkulu, simdvumise ngaJesu. Lokumdvumisa akube ngumnikelo wayo yonkhe imilomo levuma libito lakhe.
Kodvwa nine nibeluhlanga lolukhetsiwe, nibaphristi bebukhosi, sive lesingcwele; nibantfu baNkulunkulu labakhetselwe kumemetela imisebenti lemihle yaNkulunkulu. Nguye lowanibita kutsi niphume ebumnyameni nitewungena ekukhanyeni kwakhe lokumangalisako.