Tihlabelelo 109:23 - Siswati 1996 Bible

Ngiyanyamalala kancane kancane, njengesitfunti nase kuhwalala; ngiyavitsitwa njengentsetse.

Tihlabelelo 109:23 Referencias Cruzadas

1 Tikhronike 29:15

Tsine sitihambi nebafokati embikwakho, njengabo bonkhe bokhokho betfu. Emalanga etfu lapha emhlabeni afanana nesitfunti, kute litsemba.

Jobe 14:2

Ubhahela njengembali, bese uyabuna, akakhonsi, usheshe anyamalale njengesitfunti.

Tihlabelelo 102:12

Kodvwa wena, Simakadze, uyawuba khona kuze kube phakadze. Uyawukhunjulwa titukulwane ngetitukulwane.

Tihlabelelo 144:4

Umuntfu ufanana nemoya nje; emalanga ekuphila kwakhe afanana nesitfunti lesendlulako.

Eksodusi 10:13

Ngako Mosi waphakamisa indvuku yakhe etikwelive laseGibhithe. Simakadze wakhulula umoya wasemphumalanga kutsi uphephetse eveni lonkhe lelo langa nebusuku balo. Kwatsi kusa, wabe sewusitselile sikhonyane.

Eksodusi 10:19

Simakadze wagucula umoya wasemphumalanga, waba ngumoya lophuma enshonalanga. Lomoya waphephula lesikhonyane wasitsatsa wasilahlela eLwandle Lolubovu. Kute nome sinye sikhonyane lesasala eveni lonkhe laseGibhithe.

Umshumayeli 6:12

Empeleni ngubani longahle ati kutsi yini lenhle lefanele umuntfu kulokuphila, nakulamalangana lambalwa nalalite lendlula kuwo njengesitfunti? Ngubani nje longatjela lomunye umuntfu kutsi kutakwentekani lapha ngaphansi kwemtfunti welilanga nangasekho?

Umshumayeli 8:13

Kodvwa kungeke kubahambele kahle lababi, futsi imphilo yabo ingeke yeluleke njengematfunti, ngobe bangamesabi Nkulunkulu.

YaJakobe 4:14

Ningakusho kanjani loko, njengobe ningalati likusasa lekuphila kwenu kutsi litawuba yini? Ngobe kuphila kwenu kunjengenkhungu, lechamuka ibonakale sikhashana, iphindze inyamalale.