Tihlabelelo 104:24 - Siswati 1996 Bible

Awu, Simakadze! Maye, minyenti imisebenti yakho! Yonkhe uyente ngekuhlakanipha; umhlaba ugcwele tidalwa takho.

Tihlabelelo 104:24 Referencias Cruzadas

Genesisi 1:31

Nkulunkulu wakubona konkhe labesakwentile, kutsi kuhle kakhulu. Kwahlwa, kwasa: Kwaba lilanga lesitfupha.

Nehemiya 9:6

Bakhuleka batsi: “Wena Simakadze, nguwe wedvwa longuSimakadze. Wena wadala emazulu, ngisho nemazulu laphakeme kakhulu, kanye nato tigidzigidzi tetinkhanyeti, nemhlaba kanye nako konkhe lokukuwo, tilwandle kanye nako konkhe lokukuto. Wena ukugcina konkhe lokuphilako, netigidzigidzi tasezulwini tikhonta wena.

Jobe 5:9

Yena wenta timangaliso letingeke tichazwe ngumuntfu, ente nemigilingwane lengeke ibalwe ngumuntfu.

Tihlabelelo 107:24

Bayibona imisebenti yaSimakadze, netimangaliso takhe ekujuleni kwalo.

Tihlabelelo 107:31

Akabongwe Simakadze ngemusa wakhe, ngekwentela bantfu imisebenti lemangalisako.

Tihlabelelo 136:5

Nguye lowenta emazulu ngekuhlakanipha kwakhe, ngobe umusa wakhe ume kuze kube phakadze.

Tihlabelelo 148:7

Dvumisani Simakadze nine lenisemhlabeni, nani tilwane letesabekako taselwandle, nawe kujula kwelwandle,

Tihlabelelo 24:1

Umhlaba nako konkhe lokukuwo kwaSimakadze, emave kanye nabo bonkhe labahlala kuwo kwakhe,

Tihlabelelo 40:5

Yebo, Simakadze, Nkulunkulu wami, timangaliso losentele tona tinyenti, tingeke tibalwe, wasikhumbula tikhatsi letinyenti. Kute nome munye nje lofana nawe! Kube bengingatilandzisa tonkhe betingeke tibaleke tonkhe.

Tihlabelelo 65:11

Uhlobisa umnyaka ngetipho takho, lapho uhambe khona kulandzele inala.

Tihlabelelo 8:3

Nangibuka etulu esibhakabhakeni sakho ngibona umsebenti wetandla takho, inyanga netinkhanyeti lotimisile, ngitsi:

Tihlabelelo 92:6

Sihhundzahhundza singeke sikwati loko, umuntfu losilima angeke acondze

Jeremiya 10:12

Kodvwa Nkulunkulu wawudala umhlaba ngemandla akhe lamakhulu; wesekela umhlaba ngekuhlakanipha kwakhe, weneka emazulu ngekucondza kwakhe.

KubaseRoma 11:33

Maye, kujula kwemcebo, nekwenhlakanipho, nekwelwati lwaNkulunkulu! Ngubani nje longaphenya kwehlulela kwakhe ahlolisise imfihlakalo yetindlela takhe?

Kubase-Efesu 1:8

Nkulunkulu lasipha wona, waze waphuphuma. Ngekuhlakanipha nekucondza kwakhe

Kubase-Efesu 3:10

kuze babusi nalabanemandla emazulwini batiswe nyalo ngelibandla kuhlakanipha lokukhulu kwaNkulunkulu.

1 kuThimothi 6:17

Yala labacebile kulelive lamanje kutsi bangatikhukhumeti, bangabeki nematsemba abo kulomcebo lophelako, kodvwa bawabeke kuNkulunkulu losipha konkhe ngalokuphelele, kuze sitfokote ngako.