Tihlabelelo 102:2 - Siswati 1996 Bible

Ungabufihli buso bakho kimi, ngesikhatsi sekuhlupheka kwami! Beka indlebe yakho kimi; usheshe ungiphendvule njalo nje nangikhala kuwe.

Tihlabelelo 102:2 Referencias Cruzadas

Jobe 34:29

Kodvwa kube uthulile, ngubani labengamsola? Nakangafihla buso bakhe, ngubani longambona? Noko ubusa etikwemuntfu netive ngalokufananako,

Jobe 7:21

Awuticoleli ngani tiphambuko tami, utsetselele tono tami? Ngobe mine sengitawulala elutfulini masinyane; maye, utase uphenye sewungifuna mine ngingasekho!”

Tihlabelelo 104:29

Nawufihla buso bakho, tiyetfuka, nawutsatsa kuphefumula kwato, tiyafa, tibuyele elutfulini.

Tihlabelelo 13:1

Hhawu, Simakadze! Utangikhohlwa kuze kube ngunini? Utangifihlela buso bakho kuze kube ngunini?

Tihlabelelo 143:7

Sheshisa, Simakadze, ungiphendvule; umoya wami ushona phansi. Ungangifihleli buso bakho, funa ngibe njengalabashona emgodzini.

Tihlabelelo 17:1

Awu, Simakadze, ase ulalele kuncusa kwami lokumsulwa. Beka indlebe yakho emthandazweni wami, lophuma emlonyeni lote inkhohliso.

Tihlabelelo 22:19

Kodvwa wena, Simakadze, ungabi khashane nami! Awu, mandla ami, ngiphutfume ungisite.

Tihlabelelo 27:9

Ungabufihli buso bakho kimi. Ungayincandzi ngentfukutselo inceku yakho, nguwe Somandla, lolusito lwami. Ungangiyekeleli, ungangilahli! Wena unguNkulunkulu wensindziso yami.

Tihlabelelo 31:2

Sondzeta indlebe yakho, ungephule ngekushesha, bani lidvwala lesiphephelo sami nenqaba yekungisindzisa.

Tihlabelelo 40:13

Akube kuhle kuwe, Simakadze! Ase ungikhulule, Simakadze! Phutfuma ungisite.

Tihlabelelo 69:17

Ungayifihleli buso bakho inceku yakho, ngobe ngisebunzimeni, phutfuma ungiphendvule.

Tihlabelelo 70:1

Hhawu, Nkulunkulu! Phutfuma ungikhulule! Hhawu, Simakadze! Phutfuma ungisite!

Tihlabelelo 71:2

Ngisindzise ngekulunga kwakho, ungihlenge, beka indlebe yakho ngakimi, ungisindzise.

Eksodusi 2:23

Emvakweminyaka leminyenti Faro waseGibhithe wafa. Ema-Israyeli abubula ngalokugcilatwa kwawo, akhala kuNkulunkulu acela lusito. Kukhala kwawo kwenyuka kwefika kuNkulunkulu.

Eksodusi 2:24

Nkulunkulu wakuva kububula kwawo, wase uyasikhumbula sivumelwane sakhe lasenta ku-Abrahama, naku-Isaka, nakuJakobe.

Isaya 43:2

Nawudzabula ekhatsi emantini, mine ngitawuba nawe; nanawudzabula ekhatsi emifuleni, ingeke ikukhukhule. Nawuhamba udzabula ekhatsi emlilweni, ngeke ushe, emalangabi ngeke akulumekele.

Isaya 65:24

Bayawutsi bangakangibiti, ngisabele, bayawutsi basakhuluma, ngive.

Isaya 8:17

Ngitawulindzela Simakadze lofihla buso bakhe kuyo indlu yakaJakobe. Ngiyawubeka litsemba lami kuye.

1 kubaseKorinthe 10:13

Anikefikelwa kulingwa lokwehlukile kunekwalabanye bantfu. Kepha Nkulunkulu wetsembekile, yena angeke avume kutsi nilingwe ngalokungetulu kwemandla enu. Ngesikhatsi sekulingwa utaninika emandla ekuma, anentele nendlela yekuphepha.