Tihlabelelo 101:5 - Siswati 1996 Bible

Lowo lohleba makhelwane wakhe emasitseleni mine ngiyawumcitsa. Lowo lonemehlo lachoshile nenhlitiyo letigcabhako angihambisani naye.

Tihlabelelo 101:5 Referencias Cruzadas

Tihlabelelo 138:6

Nome Simakadze aphakeme kangaka, uyabanakekela labatitfobako; kodvwa labatiphakamisako ubabukela khashane.

Tihlabelelo 15:3

Akahlebi ngelulwimi lwakhe. Akabanyembenyi labanye bantfu, akamhlazisi namakhelwane wakhe.

Tihlabelelo 18:27

Wena, losindzisa labatfobekile, uyabatfobisa labatigabatisako.

Tihlabelelo 50:20

Uhlala ngekuhleba umnakenu, unyembenye indvodzana yenyoko.

Eksodusi 20:16

“Ungafakazi emanga ngamakhelwane wakho.

Eksodusi 23:1

“Ungatandzisi tindzaba letingemanga. Ungatihlanganisi nemuntfu lomubi ngekumfakazela.

Taga 10:18

Umuntfu lofihla inzondo yakhe unemanga, nalowo lowandzisa emanga usilima.

Taga 20:19

Inhlebo ivumbulula timfihlo; ngako-ke mgweme umuntfu lokhulumela futsi.

Taga 21:4

Kutigabatisa nekutiphakamisa sono, loku luphawu lwalababi.

Taga 25:23

Njengobe umoya wasenyakatfo uletsa imvula, kanjalo nenhlebo iletsa kutfukutsela.

Taga 30:13

Labanye bayatigcabha, bahlala ngekuchukuluta labanye bantfu.

Isaya 2:11

Emehlo ebantfu labatikhukhumetako ayawutfotjiswa, kutsi kutigcabha kwebantfu kwehliswe; Simakadze yena yedvwa uyawuphakanyiswa ngalelo langa.

Hezekeli 22:9

Kuwe kunebantfu labahlebako, labanhloso yabo isekucitseni ingati; ekhatsi kuwe kunalabo labadlela etintsabeni lekutsiwa tingcwele, bavusele khona tinkhanuko tekulalana.

Danyela 4:37

Manje, mine Nebukhadnezari, ngibabata ngiphakamise ngekudvumisa iNkhosi yelizulu, ngobe konkhe lekwentako kulungile, nato tonkhe tindlela tayo tiphelele ngekulunga. Labo labahamba ngekutigcabha, uyakwati kubatfobisa.”

Levithikusi 19:16

Ungahambi unyundzela bantfu bakini; ungamelani nekuphila kwamakhelwane wakho, nginguSimakadze.

Lukha 18:14

Jesu watsi: “Nginitjela kutsi lendvodza lengumtselisi yabuyela ekhaya seyemukelwe nguNkulunkulu kutsi ilungile kunalona lomunye, ngobe phela wonkhe umuntfu lotiphakamisako, uyawutfotjiswa, wonkhe lotitfobako, uyawuphakanyiswa.”

1 kubaseKorinthe 5:11

Kepha manje nginibhalele ngatsi ningahlanganyeli nemuntfu lekutsiwa ungumzalwane kantsi uyingwadla, nome siphingi, nome ngulobukhali, nome ngulokhonta tithico, nome ngulowetfukanako, nome sidzakwa, nome sigebengu; ningete nadla ngisho nekudla nemuntfu lonjalo.

1 kuThimothi 3:11

Kanjalo futsi nalabasikati bafanele kuzitsa, bangahlebi, batitsibe, betsembeke kuko konkhe.

kuThithusi 2:3

Kanjalo nabomake labadzala ubayale kutsi bahlonipheke ngesimilo, bangabi tinhlebi nome tigcili tekudzakwa, kufanele babe bafundzisi balokulungile.

1 Samuweli 2:3

Ningasakhulumi kakhulu ngekutiphakamisa; kubete kutiphakamisa lokuphuma emilonyeni yenu. Ngobe Simakadze nguNkulunkulu welwati, ngaye tento tonkhe tiyaphenyisiswa.