Tihlabelelo 101:3 - Siswati 1996 Bible Ngingeke ngitimisele kwenta lokubi. Ngiyayenyanya imisebenti yalabahlubuka Nkulunkulu, futsi ngingeke ngihambisane nayo. |
Fulatselisa emehlo ami ekubukeni tintfo letingenamsebenti; ngiphe kuphila ngekwelivi lakho.
Kodvwa labaphambukela etindleleni tabo letimagiligombo Simakadze uyawubacosha kanye nalabenta lokubi. Kuthula akube ku-Israyeli!
Bonkhe bedukile, bonkhe bonakele, kute lowenta lokulungile; kute, kute ngisho nome munye.
Ngacabanga ngatsi: “Ngiyawunakekela tindlela tami, kuze ngingoni ngelulwimi lwami, umlomo wami ngiyakuwufaka sifonyo, yingci nangisesembikwalomubi.”
Ubusisiwe umuntfu lobeke litsemba lakhe kuNkulunkulu, longagucukeli kulabatigabatisako, nakulabo labedukela etithicweni.
Ngisho nemngani wami lengangimetsemba, nalengangidla esitjeni sinye naye, sewungidlangele ngebunyoka nebumbulu.
Nine lenitsandza Simakadze, tondzani konkhe lokubi, ngobe uyabelusa labametsembako, abephule etandleni talababi.
“Ungayihawukeli indlu yamakhelwane wakho. “Ungamhawukeli nemkakhe, nesisebenti sakhe lesidvuna nome lesisikati, netinkhomo takhe, netimbongolo takhe, nome yini lanayo.”
Sebaphambuke ngekushesha kuloko lengabayala ngako; sebancibilikise igolide benta litfole lelidvuna. Balikhotsamela balikhonta, badzimate batsi: ‘Israyeli! Nangu-ke nkulunkulu wakho lowakukhipha eveni laseGibhithe.’ ”
Ungacali kumkhanukela buhle bakhe enhlitiyweni yakho, nome-ke akutfumbe ngemashiya akhe.
Kwesaba Simakadze kukutondza lokubi. Ngiyakutondza kutigcabha, neluchuku, nekutiphatsa dlephu, nebumbulu.
Kuncono kweneliswa nguloko lokubona ngemehlo akho kunekushangashangiswa lutsandvo lwekudla. Nako loko kulite, kufanana nekucosha umoya.
Yishiyeni lendlela, nisuke kulomkhondvo, niyekele nalokumelana natsi ngaLongcwele waka-Israyeli!”
Ngulowo lohamba ngekulunga, akhulume lokungiko, lowo lowala inzuzo yekucindzetela, logodla sandla sakhe singayemukeli imidizo, avale tindlebe takhe kulababopha luzungu, avale emehlo akhe ekubukeni lokubi.
“Kodvwa emehlo akho nenhlitiyo yakho uwabeke enzuzweni lembi, ekucitseni ingati yalongenacala, yebo, nasencindzetelweni nasekudizeni.”
Nabafuna emasimi, bavele bawatsatse ngendlovuyangena; nabafuna tindlu, bavele batidle. Kute namunye lonemndeni lovikelekile, nome lonelutfo loluphephile.
Ningambopheli luzungu makhelwane, futsi ningabokutsandza kufungela emanga. Ngiyakwenyanya konkhe loko,” kusho Simakadze.
Kepha mine ngitsi kini: Ngulowo nalowo lobuka lomsikati, bese uyamkhanuka, sewuphinge naye enhlitiyweni yakhe.
kodvwa nyalo seniyamati Nkulunkulu, ngetulu kwaloko senatiwa nguNkulunkulu, kwentiwa yini kutsi nifune kuncandzeka, niye kulemimoya yemvelo lebutsakatsaka nalengasiti lutfo? Niyatsandza yini kutsi iphindze inigcilate?
Kute nome yinye yaleto tintfo letilahliwe lekufanele titfolakale etandleni tenu, kuze Simakadze atewugucuka ekutfukutseleni kwakhe lokwesabekako. Uyakunentela umusa abe nesihawu kini, anandzise, njengobe afunga kuboyihlomkhulu,
Nicaphele kutsi ningawufukameli lomcabango lomubi lotsi: ‘Umnyaka wesikhombisa lekungumnyaka wekwesulwa kwetikwelede sewusondzele,’ nize nikhombise inhlitiyo lembi kumnakenu lonesidzingo ngekungamniki lutfo. Ngobe angahle akhale ngani kuSimakadze, bese-ke nine nitfolakala ninelicala lesono.
Kepha tsine asikho kulabo labahlehla nyova badzimate babhubhe; kodvwa sikulabo labanekukholwa, aze Nkulunkulu asindzise imiphefumulo yabo.
“Manini nicine; nicaphele kutsi niyakulalela konkhe loko lokubhalwe encwadzini yemtsetfo waMosi, ngaphandle kwekujikela ngesekudla nome ngesancele.
Lokungenani bekuyawuba ncono kubo kube mane abazange sebayati indlela yekulunga, kunekutsi batsi sebayatile baphindze bawufulatsele umyalo longcwele lababenikwe wona.
Baphuma emkhatsini wetfu, kodvwa babevele bangesibo bakitsi, ngobe kube bebabakitsi, ngabe bachubeka kanye natsi. Noko kwakufanele kutsi kubonakale kutsi kute namunye wabo labewakitsi.
“Sengiyatisola kutsi Sawula ngamenta inkhosi, ngobe sewungihlubukile, wangete wayigcina imiyalo yami.” Samuweli wakhatsateka kakhulu, wakhala kuSimakadze bonkhe lobo busuku.