Tihlabelelo 1:3 - Siswati 1996 Bible

Unjengesihlahla lesihlanyelwe elusentseni lwemifula, sona sitsela titselo ngesikhatsi sato emacembe aso akabuni. Konkhe lakwentako kuyaphumelela.

Tihlabelelo 1:3 Referencias Cruzadas

Genesisi 39:23

Umgcinijele akazange aphindze ahlupheke ngaloko lokwakungaphansi kwesandla saJosefa, ngobe Simakadze abenaye, futsi konkhe labekwenta Josefa Simakadze abekuphumelelisa.

Genesisi 39:3

Nalomnumzane wabona kutsi Simakadze abenaJosefa nekutsi Simakadze abekwenta kuchume konkhe lokuke kwaphatfwa tandla taJosefa.

2 Emakhosi 18:7

Simakadze waba naye, wamphumelelisa kuko konkhe labekwenta. Wayivukela inkhosi yase-Asiriya wangete wayihlehlela.

1 Tikhronike 22:11

“Manje-ke, ndvodzana yami, Simakadze akabe nawe ube nemphumelelo, uze wakhe indlu yaSimakadze Nkulunkulu wakho, njengobe atsi utakwenta.

1 Tikhronike 22:13

Ngaloko-ke uyawuphumelela, nawuticaphela wena unakekele tonkhe timiso nemitsetfo yaSimakadze layinike Mosi ngenca yema-Israyeli. Cina ube nesibindzi. Ungesabi, ungaphelelwa ngemandla.

2 Tikhronike 31:21

Kuko konkhe lakwenta emsebentini welithempeli laNkulunkulu nekuhlonipha umtsetfo, nemiyalo, wafuna Nkulunkulu wakhe, asebenta ngayo yonkhe inhlitiyo yakhe. Ngako waphumelela.

2 Tikhronike 32:23

Labanyenti bantfu beta baletsa iminikelo yaSimakadze eJerusalema, netipho letinelinani lelikhulu baliletsa kuHezekiya, inkhosi yakaJuda. Kusukela ngaleso sikhatsi wahlonishwa kakhulu kuto tonkhe tive.

Jobe 14:9

noko ngekuva umswakama wemanti siyahluma, kumile emahlumela njengesihlahla.

Jobe 22:28

Konkhe loncuma kutsi ukwente kuyawukwenteka, nekukhanya kukhanye etindleleni takho.

Tihlabelelo 128:2

Uyawudla titfukutfuku takho, ube nenhlanhla nemphumelelo.

Tihlabelelo 129:8

Nalabendlulako abayiwusho ngisho nekutsi: “Shangatsi Simakadze anganibusisa. Sinibusisa ngelibito laSimakadze.”

Tihlabelelo 92:14

Ebudzaleni babo bayawuchubeka batsele titselo, bafanane netihlahla letihlala tiluhlata, ngobe tona tihlala ticinile,

Tihlabelelo 92:15

kuze kubonakale kutsi Somandla ulungile, yena ulidvwala lami, yena unguSokulunga.

Isaya 27:11

Kuyawutsi emagala akhona nasomile, ephulwe, kufike bafati bawatfote, bayekuwabasa. Ngobe lesi sive lesingeva emadlebeni, ngako, uMenti waso akasenamunyu ngaso, uMdali waso akasenasihawu ngaso.

Isaya 3:10

Tjelani labalungile kutsi kutabahambela kahle, ngobe bayawudla titselo tetento tabo.

Isaya 44:4

Bayawuhluma njengetjani emadlelweni, nanjengemabhabhabhulomu ngasemfuleni logeletako.

Isaya 58:11

Simakadze uyawukuhola njalo, uyakwenetisa tidzingo takho, eveni lapho libalele likhipha inhlanti emantini, uyakucinisa ematsambo akho. Uyawuba njengengadze leniseleke kahle, nanjengemtfombo lapho emanti akhona angomi.

Jeremiya 17:8

Uyawufanana nesihlahla lesihlanyelwe ngasemfuleni wemanti, lesenabisela timphandze taso ngasemfuleni. Asesabi nakuta kushisa, emacembe aso ahlala aluhlata. Asihlupheki nangemnyaka wesomiso, asihlali singatseli titselo taso.”

Hezekeli 17:8

Wawuhlanyelwe emhlabatsini lomuhle ngasemantini lamanyenti kuze utewuhlumisa emagala, utsele titselo, ube ngumvini lomuhle.’

Hezekeli 19:10

“ ‘Unyoko abefanana nesihlahla semvini esivinini, sihlahla lesasihlanyelwe ngasemantini; sasitsela kakhulu futsi sinemagala laluhlata, ngenca yalamanti lamanyenti.

Hezekeli 31:5

Ngako wakhula waya etulu, wengca tonkhe tihlahla tesiganga; emagala awo lamakhulu andza, yebo, emagala akhula aba madze, enaba ngenca yekutfola emanti lamanyenti.

Hezekeli 47:12

Kuyawukhula tinhlobonhlobo tetihlahla tetitselo ngala nangale elusentseni lwemfula. Emacembe ato akasoze abune, netitselo tato tingeke tiphele. Tiyawutsela ngato tonkhe tinyanga, ngobe emanti lasuka ethempelini ageletela kuto. Titselo tato tiyawuba tekudla, bese kutsi emacembe ato abe ngewekuphilisa.”

Numeri 24:6

“Njengemifula lenemanti, nanjengetivandze letiseceleni kwemfula; nanjengenhlaba lehlanyelwe nguSimakadze, nanjengemisedari ngasemantini emfula,

Matewu 13:6

Latsi ngekuphuma lilanga lahashula titfombo tabuna, ngenca yekutsi tatite timphandze letijulile.

Matewu 21:19

Wabona umkhiwa lowawuwodvwa eceleni kwendlela, wenyukela kuwo, kodvwa akatfolanga lutfo kuwo ngaphandle kwemacembe. Ngako wase utsi kuwo: “Akungabe kusavela sitselo kuwe!” Ngekushesha umkhiwa wabuna.

Matewu 21:34

Kwatsi nasekufika sikhatsi sekuvuna emagelebisi, watfumela tisebenti takhe kuleto ticashi kutsi timlandzele incenye yesivuno lekuyakhe.

Matewu 21:41

Bamphendvula batsi: “Uyawutibhubhisa kabi leticashi letimbi, atsatse lesivini sakhe acashise ngaso kuletinye ticashi letiyakumnika titselo ngetikhatsi tato.”

Johane 15:6

Umuntfu longahlali kimi, uyawulahlwa ngephandle njengeligala, abune, ome, kufike bantfu batfote lamagala bayekuwabasa emlilweni, lapho afike ashe khona.

Dutheronomi 28:8

“Simakadze uyakwehlisela sibusiso etikwetincolobane tenu nasetikwako konkhe leniyawukwenta ngetandla tenu. Simakadze Nkulunkulu wenu uyawunibusisa kulelo live lanipha lona.

YaJuda 1:12

Bayanonela ekudleni kwenu kwebudlelwane bate emahloni ngekumita kwabo. Babogubhela kwesabo. Banjengemafu lapheshulwa ngumoya, abe wona ate imvula. Batihlahla letingatseli titselo, ngisho nangetikhatsi tato, tihlahla letisishulwe netimphandze tato, yebo, batihlahla lese tafa.

Sembulo 22:2

Ageleta ehla nemgwaco welikhaya. Ngale nangale kwalomfula bekunesihlahla sekuphila. Besitsela titselo emahlandla lali-12 ngemnyaka, lokusho kutsi kanye ngenyanga. Emacembe aso abephilisa tive.