Taga 8:18 - Siswati 1996 Bible batfola ngami ingcebo neludvumo, babutfole ngami bunjinga lobungapheli kanye nekuchuma. |
Kulunga kwakho kunjengetintsaba letinkhulu, tincumo takho tijule njengelwandle. Simakadze, ulondvolota bantfu netilwane.
Ingcebo ingeke isite lutfo ngelilanga lentfukutselo; kodvwa kutiphatsa kahle kusindzisa umuntfu ekufeni.
Imphilo lendze isesandleni sako sekudla, kantsi esandleni sako sesancele kunengcebo neludvumo.
Kodvwa funani kucala umbuso waNkulunkulu kanye nekulunga kwakhe, khona tonkhe letintfo titakwengetelwa kini.
kodvwa yinye kuphela ledzingekile. Mariya ukhetse intfo lengiyo sibili, kunjalo nje angeke ayemukwe ngumuntfu leyo ntfo.”
Tsengisani ngako konkhe leninako, bese nabela labeswele. Tiphatseleni tipatji letingagugi, nigcine umcebo wenu ezulwini, lapho ungeke unciphe khona, kute nelisela lelingefika kuwo, kute ngisho nemvunya longawudla.
Siviswa buhlungu, kodvwa sitfokota njalonjalo. Siphuyile, kodvwa banyenti lesibanjingisako. Asinalutfo, kodvwa sinako konkhe.
Mine, nome ngingulomncane kunabo bonkhe labangcwele, ngaphiwa lowo musa wekushumayela kubetive liVangeli lemcebo waKhristu longenawuphenyeka.
Nkulunkulu wami utawuhlangabetana nako konkhe kweswela kwenu, kuye ngemcebo webukhosi bakhe lobukuKhristu Jesu.
Ase nilalele, bazalwane bami labatsandzekako! Nkulunkulu akabakhetsanga yini labaphuyile lapha emhlabeni kutsi babe ngulabacebile ekukholweni, netindlalifa embusweni lawetsembisa labo labamtsandzako?
Ngako-ke ngiyakuyala kutsi utsenge kimi igolide lelolongwe ngemlilo, khona utewuceba, utsenge tingubo letimhlophe tekwembatsa, khona utewufihla bungcunu bakho kutsi bungabonakali, utsenge nemutsi wekugcobisa emehlo akho kutsi ubone.