Taga 6:6 - Siswati 1996 Bible

Hamba ufundze entfutfwaneni, wena vila-ndzini, kutsi iphila njani, khona utawuhlakanipha.

Taga 6:6 Referencias Cruzadas

Taga 1:17

Akusiti lutfo kuvula sochaka, kantsi lenyoni lofuna kuyibamba iyakubuka.

Taga 10:26

Njengeliwayini lelimunyu nalingena ematinyweni, nanjengentfutfu emehlweni, linjalo livila kulabalitfumako.

Taga 10:4

Buvila benta umuntfu abe luphuya; kodvwa kukhutsala kwenta umuntfu abe yinjinga.

Taga 13:4

Umuntfu lolivila ufisa lokunyenti agcine angakatfoli lutfo; kodvwa lokhutsele unikwa lokunyenti.

Taga 15:19

Indlela yelivila iyena, ivinjwe ngemanyeva; kodvwa indlela yemuntfu locotfo ifanana nemgwaco lomkhulu lokhanyako.

Taga 18:9

Umuntfu lolidlabha emsebentini wakhe ufanana nemuntfu lobhubhisako.

Taga 19:15

Buvila benta umuntfu adzakwe butfongo, nemuntfu longasebenti uyalamba.

Taga 19:24

Livila liyasifaka sandla salo ekudleni endishini; kodvwa bese liyavilapha kusimikisa emlonyeni.

Taga 20:4

Livila liyehluleka kulima ngesikhatsi lesifanele, nase kuvunwa lona alibuyi nalutfo etsafeni.

Taga 21:25

Livila litsandza kuhlala nje, ngiko loko lokuyawubanga kufa kwalo, ngobe alisebenti.

Taga 22:13

Livila litsi: “Kunelibhubesi lapha ngaphandle; ngitawutsi ngiyaphuma lingidle.”

Taga 23:19

Ndvodzana yami, lalela; ubolalela, khona utekuhlakanipha. Ingcondvo yakho yibeke endleleni lengiyo sibili.

Taga 30:24

Lapha emhlabeni kukhona tilwanyakatana letincane, kodvwa tihlakaniphe kakhulu:

Taga 30:25

Tintfutfwane: tibutsakatsaka, kodvwa tikwekhweta ehlobo kudla kwato.

Taga 6:9

Wena vila-ndzini, uyawulala embhedzeni kudzimate kube ngunini?

Isaya 1:3

Inkhabi iyamati umniyo, nembongolo sibaya semniyo, kodvwa Israyeli akati lutfo, sive sami asicondzi.”

Jeremiya 8:7

Ngisho nagilonki esibhakabhakeni uyatati tikhatsi takhe letimisiwe, nelituba, nenkonjane, nadvoye, kuyatigcina tikhatsi tako tekuhamba, kodvwa sive sami asitati timiso taSimakadze.

Matewu 25:26

“Inkhosi yaso yatsi kuso: ‘Wena sisebenti lesibi nalesivilaphako! Bewati kutsi ngivuna lapho ngingakahlanyeli khona, ngiphindze ngibutse lapho ngingakasakati khona.

Matewu 6:26

Bukani tinyoni temoya kutsi atihlanyeli, ativuni, atibeki lutfo etilulwini, kodvwa uYihlo losezulwini uyatondla. Anincono kakhulu yini nine kunato?

KubaseRoma 12:11

Khutsalani, ningaphelelwa ngumdlandla, nivutse emoyeni, nikhonte iNkhosi.

KumaHebheru 6:12

Sifisa kutsi ningavilaphi, kodvwa nibe njengabo labo labadla lifa letetsembiso ngekukholwa nangekubeketela.