Taga 4:26 - Siswati 1996 Bible

Caphelisisa indlela yetinyawo takho, tonkhe-ke tindlela takho tiyawuba nekuciniseka.

Taga 4:26 Referencias Cruzadas

Tihlabelelo 119:5

Shangatsi tindlela tami tingacondza njalo ekutigcineni timiso takho.

Tihlabelelo 119:59

Nangicabanga ngetindlela tami, ngijikisa tinyatselo tami, ngiticondzise etimisweni takho.

Tihlabelelo 37:23

Tinyatselo temuntfu ticondziswa nguSimakadze. Simakadze uyaticinisa tinyatselo temuntfu lomjabulisako.

Tihlabelelo 40:2

Wangikhipha emgodzini wekufa, wangikhipha eludzakeni lolubishako, wasimisa tinyawo tami etikwelidvwala, wacinisa kuhamba kwami.

Taga 15:21

Umuntfu lokhohlakele ujatjuliswa bulima; kodvwa umuntfu lonekucondza akeduki.

Taga 21:29

Umuntfu lomubi utiphatsa ngekutentisa; kodvwa lowetsembekile uyatinakekela tindlela takhe.

Taga 23:19

Ndvodzana yami, lalela; ubolalela, khona utekuhlakanipha. Ingcondvo yakho yibeke endleleni lengiyo sibili.

Taga 4:25

Emehlo akho akacondze ngco embili, ubukisise embikwakho.

Taga 5:21

Tindlela temuntfu tisemehlweni aSimakadze, tonkhe tindlela umuntfu lahamba ngato uyatigadzisisa.

Taga 5:6

Akahambi ngendlela yekuphila, tindlela takhe tiyazula, akati nekutsi kwentekani.

Hezekeli 18:28

Ngenca yekutsi atinake tonkhe tono takhe labesatentile, agucuke kuto, lowo ngempela uyawuphila; angeke afe.

Hagayi 1:5

Manje-ke, naku lokushiwo nguSimakadze longuSomandla, utsi: “Cabangisisani ngetindlela tenu.

Hagayi 1:7

Naku lokushiwo nguSimakadze longuSomandla, utsi: “Cabangisisani ngetindlela tenu.

Kubase-Efesu 5:15

Ngako-ke caphelani kutsi nitiphatsa njani. Ningatiphatsisi kwebantfu labangakahlakaniphi, kepha njengalabahlakaniphile.

Kubase-Efesu 5:17

Ngako-ke ningabi tilima, kodvwa yatini loko lokuyintsandvo yeNkhosi.

1 kubaseThesalonika 3:13

kuze kutsi icinise tinhlitiyo tenu tingabi nacala, kodvwa tibe ngcwele ebukhoneni baNkulunkulu, longuBabe, nakufika iNkhosi yetfu Jesu nabo bonkhe labangcwele bakhe.

2 kubaseThesalonika 3:3

Kodvwa iNkhosi yetsembekile, iyawunicinisa, ineluse, iniphephise kuLomubi.

KumaHebheru 12:13

tinyawo tenu nitentele tindlela leticondzile, kuze kutsi lunyawo loluchutako lungachubiseleki, kodvwa luphiliswe.

1 yaPhetro 5:10

Emvakwekuhlupheka kwalesikhashana Nkulunkulu wemusa wonkhe, lowanibitela kutsi nihlanganyele naKhristu ebukhosini baphakadze, yena matfupha uyawuniphelelisa, anakhe anicinise, anitintise.