Taga 31:10 - Siswati 1996 Bible

Ngubani longatfola umfati sibili? Uligugu lelengca onkhe ematje laligugu.

Taga 31:10 Referencias Cruzadas

Jobe 28:18

Angisaphatsi-ke ngekhorali nangelitje ijasiphi. Intsengo yekuhlakanipha iphakeme yendlula emarubi.

Taga 12:4

Umfati lolungile ungumchele wendvodza yakhe; kodvwa loyihlazisako ufanana nekubola ematsanjeni ayo.

Taga 14:1

Umfati lohlakaniphile uyawakha umuti wakhe; kepha losilima uwubhidlita ngetakhe tandla.

Taga 18:22

Lowo lotfola umfati utfole intfo lenhle, uzuze umusa kuSimakadze.

Taga 19:14

Indlu nemcebo lifa lelitfolakala kubatali, kodvwa umfati lohlakaniphile utfolakala kuSimakadze.

Taga 20:15

Igolide nematje laligugu lamanyenti ungaba nako; kodvwa umlomo lokhuluma lwati ungetulu kwentsengo yematje laligugu.

Taga 3:15

Kuhlakanipha kuligugu kakhulu, kwengca ematje laligugu; kute lokufisako longakulinganisa nako.

Taga 31:11

Indvodza yakhe yetsembele kuye ngenhlitiyo yayo yonkhe, futsi ingeke yeswele lutfo.

Taga 8:11

“Ngobe kuhlakanipha kuncono kunematje laligugu; kute umcebo longawulinganisa nako.

Umshumayeli 7:28

Ngatsi ngisaphenyisisa ngingatfoli lutfo, ngatfola indvodza yinye lecondzile kulayinkhulungwane, kodvwa kwabate ngisho namunye umfati locondzile kubo bonkhe.

Ruthe 3:11

Cha, ndvodzakati yami, ngitakwentela konkhe loko lokucelako, ngako ungesabi. Tonkhe takhamiti talesigodzi tiyati kutsi ungumfati sibili.

1 Samuweli 25:3

Libito layo lendvodza bekunguNabali, kantsi umkayo bekungu-Abigayili. Lomkakhe abehlakaniphile amuhle, kodvwa lendvodza yayingumKhalebi losibheva lesibi.