Taga 30:14 - Siswati 1996 Bible

Labanye bantfu banematinyo latinkemba, nemihlatsi lengimikhwa; yebo, babukhali. Baloshela bamite tonkhe timphuya emhlabeni.

Taga 30:14 Referencias Cruzadas

Jobe 29:17

Ngangiwephula ematinyo alababi, ngisindzise labo lasebababambile ngibahlwitse ematinyweni abo.

Jobe 41:14

Ngubani longaqunga avule umlomo wakhe, wona lowo logcwele ematinyo akhe lesabekako?

Tihlabelelo 12:5

Simakadze-ke yena utsi: “Njengobe timphuya setichwagiwe, nanjengobe tihlupheki timpintjekile, ngitakuta ngimephule lowo lofuna lusito, bese ngimbeka endzaweni lengenangoti.”

Tihlabelelo 124:6

Akabongwe Simakadze, longazange avume kutsi titsa tetfu tisibulale.

Tihlabelelo 14:4

Pho, bate yini lwati bonkhe labantfu labenta lokubi? Badla emandla ebantfu bami shangatsi badla sinkhwa, bangathandazi kuSomandla.

Tihlabelelo 3:7

Vuka Simakadze, ngisindzise, Nkulunkulu wami, ngobe tonkhe titsa tami utihlakaye imihlatsi, wephula nematinyo alababi.

Tihlabelelo 52:2

Lulwimi lwakho lusonga lokubi lunjengensingo lekhaliphako, wena lowenta emacebo.

Tihlabelelo 57:4

Ngisemkhatsini wemabhubesi, labantfu labashwabudzelanako. Ematinyo awo atikhali nemicibisholo, tilwimi tawo tinkemba letikhaliphako.

Tihlabelelo 57:5

Nkulunkulu, phakama ube ngetulu kwemazulu, inkhatimulo yakho yengamele umhlaba wonkhe.

Tihlabelelo 58:6

Hhawu, Nkulunkulu, hhohlota ematinyo lasemilonyeni yabo, wephule imihlatsi yelibhubesi, Simakadze.

Taga 12:18

Emavi lakhulumeke ngebudlabha ahlaba njengesikhali; kodvwa emavi lakhulumeke ngekuhlakanipha ayaphilisa.

Taga 22:16

Lowo locindzetela lomphofu entela kuticebisa, yena nalowo lopha tipho kulabacebile, bobabili bagcina baphuyile.

Taga 28:3

Umholi lomubi lophuyile acindzetele labamphofu ufanana nesikhukhula selitulu leligcoba livungule.

Taga 30:15

Simunyangati unemadvodzakati lamabili; emabito awo boNgiphe naNgiphe. Tintsatfu tintfo letingeneliswa, kantsi empeleni tine letingeke tisho titsi: “Sekwenele”:

Umshumayeli 4:1

Ngaphindze ngabuka ngabona konkhe kucindzetelana lokwentiwako lapha ngaphansi kwemtfunti welilanga: Ngabona tinyembeti talabacindzetelwe, bate ngisho nemdvudvuti; emandla abengakubacindzeteli babo, kodvwa labo labacindzetelwe bate ngisho nemdvudvuti.

Isaya 10:2

bentele kwemuka labamphofu emalungelo abo, badlelele bantfu bami labacindzetelekile emalungelo abo emtsetfocotfo, batsatse imphango kubafelokati, badlelele labangenaboyise.

Isaya 3:14

Simakadze ungena ekwehluleleni, wehlulela labadzala nebaholi besive sakhe, utsi: “Ngini lenicedze sivini sami, imphango leniyitsetse kulabamphofu igcwele etindlini tenu.

Isaya 3:15

Nisho kutsini ngalokupitjita sive sami, nigaye buso balabamphofu?” kusho iNkhosi, Simakadze longuSomandla.

Isaya 32:7

Emasu asidlani mabi, wakha emacebo ebubi ekubhubhisa labamphofu ngemanga, ngisho nome sikhalo saloweswele sicotfo.

Hezekeli 22:6

“ ‘Ase ubuke kutsi leso naleso sikhulu saka-Israyeli lesikuwe siwasebentisa kanjani emandla aso ekucitseni ingati.

Hezekeli 34:3

Nidla lihongo, nitembatsise ngetimphahla tensontfo, nitihlabele tifuyo telikhetselo, kodvwa aniwunakekeli umhlambi.

Amose 2:7

Bagcobagcoba tinhloko talabamphofu kube shangatsi bagcobagcoba lutfuli lwemhlaba, bese kutsi labacindzetelwe bangababoneleli. Indvodza nemsa wayo balala nentfombatana yinye, ngaloko bahlazise Libito lami lelingcwele.

Amose 4:1

Lalelani nali livi, nine bafati basentsabeni yaseSamariya, leniphila kahle, nitamase njengetinkhomati taseBhashani, nine lenicindzetela labamphofu, nifihlite labeswele, niphocelele emadvodza enu kutsi aninike tjwala!

Amose 8:4

Lalelani lapha, nine lenigcobagcoba labeswele nibuye nicedze bonkhe labamphofu balelive,

Habakhuki 3:14

Wamhlaba ngesakhe sikhali enhloko, ngesikhatsi emabutfo akhe aphutfuma aphuma atsi atesihlakata, asivutela tince shangatsi asatawudla labamphofu lababebhacile.

Zefaniya 3:3

Tiphatsimandla talo tingemabhubesi labhodlako, tikhulu talo titimphisi takusihlwa, letingashiyi lutfo lwangakusasa ekuseni.

Matewu 23:13

“Maye kini, bafundzisi bemtsetfo nebaFarisi! Batentisi! Nivimbela bantfu umbuso welizulu, nibe nine ningangeni, nebantfu labafuna kungena anibavumeli kutsi bangene. [

Sembulo 9:8

Tinwele taso tatifanana netalabasikati, ematinyo aso afanana nematinyo emabhubesi.