Libhokisi lesivumelwane saSimakadze lahlala ekhaya ka-Obedi Edomu, waseGathi, tinyanga letintsatfu; Simakadze wambusisa Obedi Edomu kanye nayo yonkhe indlu yakhe.
Taga 3:33 - Siswati 1996 Bible Sicalekiso saSimakadze sisemndenini walomubi, kodvwa indlu yalolungile uyayibusisa. |
Libhokisi lesivumelwane saSimakadze lahlala ekhaya ka-Obedi Edomu, waseGathi, tinyanga letintsatfu; Simakadze wambusisa Obedi Edomu kanye nayo yonkhe indlu yakhe.
“Bantfu labanjalo bangemagwebu lantanta emantini, sabelo sabo sicalekisiwe eveni, khona kutabate loya etivinini.
Unjengesihlahla lesihlanyelwe elusentseni lwemifula, sona sitsela titselo ngesikhatsi sato emacembe aso akabuni. Konkhe lakwentako kuyaphumelela.
Lababusiswe nguSimakadze bayawulidla lifa lemhlaba; kodvwa labacalekiswe nguye bayawushabalaliswa.
Umuntfu lolungile uphiwa tibusiso letinyenti; kodvwa lomubi ufihla budlova bakhe ngekukhuluma kwakhe lokunyenti.
Endlini yemuntfu lolungile kunemcebo lomnyenti; kodvwa inzuzo yalomubi iletsa inhlupheko.
Nkulunkulu, Sokulunga, uyakwati lokwentekako emitini yalababi; yebo, uyababhubhisa lababi.
Naningalaleli, futsi naningatimiseli ngenhlitiyo yenu kutsi nihloniphe Libito lami, ngitanitfumelela sicalekiso, netibusiso tenu ngiticalekise. Yebo, vele sengiticalekisile, ngobe anikatimiseli enhlitiyweni yenu kutsi ningihloniphe,” kusho Simakadze longuSomandla.
Kuyawuba sicalekiso kini, naningayilaleli imiyalo yaSimakadze Nkulunkulu wenu, niphindze niphambuke endleleni lenginiyale ngayo lamuhla, bese nilandzela labanye bonkulunkulu leningazange senibati.
Ningacali niletse loko lokusinengiso etindlini tenu, funa nani nehlukaniswe nibekwe eceleni, khona nitewubhujiswa njengako. Kufanele nitenyanye letithico, ngobe setivele tehlukaniselwe kubhujiswa.”
Kodvwa nine khweshani kuletintfo letinikelwe kutsi titewubhujiswa, kuze ningetikutidvonsela kubhujiswa ngenca yekutitsatsela letinye tato. Nanenta loko, nitawube nidvonsela inkambu yema-Israyeli ekubhujisweni, niyiletsele kufa.
“Hamba uyewungcwelisa lesive, ubatjele utsi: ‘Tingcwelisiseni nine ngekwenu, nitilungiselele likusasa,’ ngobe nguloko Simakadze Nkulunkulu wema-Israyeli lakushoko, utsi: ‘Loko lokufanele kubhujiswa kusemkhatsini wenu, sive sema-Israyeli. Ngeke nikhone kumelana netitsa tenu ningakakukhiphi.