Taga 3:23 - Siswati 1996 Bible

Endleleni yakho uyakuhamba ngekuphepha, nelunyawo lwakho lungakhubeki.

Taga 3:23 Referencias Cruzadas

Tihlabelelo 119:165

Bantfu labatsandza umtsetfo wakho banekuthula lokuphelele, kute lokuyawubakhuba endleleni.

Tihlabelelo 121:3

Angeke avume kutsi lunyawo lwakho lushelele, lowo longumlondvoloti wakho aketeli.

Tihlabelelo 121:8

Simakadze uyawulondvolota kuphuma kwakho nekungena kwakho, kusukela manje kuze kube phakadze.

Tihlabelelo 37:31

Umtsetfo waNkulunkulu uhlala usenhlitiyweni yakhe njalo, nekuhamba kwakhe akuphambuki.

Taga 10:9

Umuntfu lowetsembekile uhamba aphephile; kodvwa lokhetsa tindlela letimagiligombo uyawugcina atfolakele.

Taga 2:8

Ugadza tindlela talabo labaphatsa labanye ngekungakhetsi, alindze indlela yalabangcwele bakhe.

Taga 4:12

Nawuhambako, sinyatselo sakho singeke siphatamiseke; nawugijimako, ungeke ukhubeke.

Taga 6:22

Nawuhamba kuyawukucondzisa, nawulala kukugadze, nawuvukako kukweluleke.

Isaya 5:27

Kute lodziniwe, kute lokhubatelako, kute lowetelako nome lolalako, kute lonelibhande lelicekako elukhalweni, kute lonencabule lenemchilo lodzabukile;

Isaya 63:13

“Uphi lowa lowabahola badzabula ekujuleni kwelwandle?” Njengelihhashi eveni lelibekile, abazange sebakhubatele.

Zakhariya 10:12

Baka-Israyeli ngiyawubacinisa kuSimakadze, nabo bayawuhamba kulo Libito lakhe,” kusho Simakadze.