Taga 29:14 - Siswati 1996 Bible

Nangabe inkhosi iwavikela ngekungakhetsi emalungelo ebantfu labamphofu, iyawubusa sikhatsi lesidze.

Taga 29:14 Referencias Cruzadas

Tihlabelelo 89:2

Ngobe ngitsite: Umusa wakho utawuma kuze kube phakadze, nekwetsembeka kwakho utakumisa ezulwini.

Taga 16:12

Emakhosi ayakwenyanya kwenta bubi, ngobe umbuso usima ngekwenta lokulungile.

Taga 20:28

Umbuso wenkhosi utawuchubeka ume, nangabe ibusa ngekwetsembeka, nangelutsandvo, nangekungakhetsi.

Taga 25:5

susa beluleki lababi edvute nenkhosi, kuze itewubusa ngekulunga.

Taga 28:16

Umbusi lobusa ngencindzetelo usilima; kodvwa lotondza kutsengeka uyawuphila sikhatsi lesidze.

Taga 29:4

Inkhosi lebusa ngekulunga, live layo liba nesizotsa; kodvwa lebeka imali embili ibhubhisa live layo.

Isaya 1:17

nifundze kwenta lokulungile! Funani umtsetfocotfo, nikhutsate labacindzetelwe. Vikelani labo labate boyise, niyimele indzaba yemfelokati.”

Isaya 11:4

kodvwa labeswele uyawubehlulela ngekwemtsetfocotfo, labamphofu belive abehlulele ngekungakhetsi. Uyawushaya umhlaba ngendvuku yemlomo wakhe; ngekuphefumula kwemlomo wakhe uyawubulala lababi.

Jeremiya 22:16

Wammelela lophuyile naloweswele, ngako konkhe kwamhambela kahle. Loko akusho kona yini kwati mine?” kusho Simakadze.

Jeremiya 5:28

sebakhuluphele baze bamanyatela. Tento tabo letimbi atinamkhawulo, ababameleli labo labate boyise kutsi bangalahlwa licala, abawalweli nemalungelo alabamphofu.”

Danyela 4:27

Ngako-ke, wena waphakathi, asemukeleke kuwe leseluleko sami: Yekela tono takho, wente lokulungile, uyekele nekukhohlakala kwakho, ngekutsi ube nemusa kulabo labacindzetelwe. Kungenteka kutsi kuchubeka kahle kwakho nekuphumelela kwakho kuchubekele embili.”