Taga 28:15 - Siswati 1996 Bible

Njengelibhubesi lelibhodlako nelibhele lelihhongako, unjalo umbusi lomubi lobusa bantfu labeswele.

Taga 28:15 Referencias Cruzadas

2 Emakhosi 15:16

Ngaleso sikhatsi Menahemu wacala eThisa wahlasela iThifsa nabo bonkhe lababesedolobheni nasemacentselweni alo, ngobe bala kumvulela emasango abo. Wadzilita iThifsa, wahhubhuta tisu tabo bonkhe bafati lababetetfwele.

2 Emakhosi 2:24

Wagucuka wababuka; wamemeta, abacalekisa ngelibito laSimakadze. Kwabe sekuchamuka emabhele lamabili aphuma ehlatsini, adladlabula lababengema-42 balabo bafana.

2 Emakhosi 21:16

Ngetulu kwaloko, Manase wacitsa kakhulu ingati yalabangenacala, kangangekutsi titaladi taseJerusalema tatigeleta ingati kusukela ekucaleni kuze kuyewuphuma ekugcineni. Loko wakwengetela ekwenteni sive sakaJuda kutsi sikhonte tithico, wasenta sona kuSimakadze.

Eksodusi 1:13

Ngako-ke emaGibhithe asebentisa sive sema-Israyeli ngesihluku;

Eksodusi 1:22

Ngako-ke Faro wayala bonkhe bantfu bakhe, watsi: “Lonkhe luswane lwemHebheru lolungumfana lubotsi nalutalwa nilugcumukisele emfuleni iNayili, kodvwa luswane loluyintfombatane niboluyekela luphile.”

Taga 17:12

Kuncono kubhekana nelibhele lelitfukutseliswe kwemukwa bantfwabalo, kunekubhekana nesilima lesiphishaneke ngebulima baso.

Taga 19:12

Intfukutselo yenkhosi ifanana nekubhodla kwelibhubesi; kodvwa umusa wayo ufanana nematfonsi emvula.

Taga 20:2

Kutfukutsela kwenkhosi kufanana nekubhodla kwelibhubesi, lowo loyitfukutselisako ulengisela imphilo yakhe ekufeni.

Taga 29:2

Nakungena bantfu labalungile ebuholini, bantfu bayajabula; kodvwa nakubusa bantfu lababi, bantfu bayakhonona.

Isaya 14:5

Simakadze uyephulile indvuku yalababi, yebo, uyephulile indvuku yebabusi,

Isaya 14:6

labahlasele tive ngelulaka, batigadla ngaphandle kwesihe, batigcobagcoba phansi ngentfukutselo, baphekehla lutfutfuva bahlasela.

Hoseya 13:8

Njengelibhele nalemukwe bantfwabalo, ngiyawubesukela ngibadladlabule. Njengelibhubesi ngiyawubashwabudzela, silwane sesiganga siyawubadzabudzabula.

Hoseya 5:11

Efrayimu ucindzetelekile wagcotjwagcotjwa ngekwehlulelwa, ngobe utimisele kulandzela tithico.

Zefaniya 3:3

Tiphatsimandla talo tingemabhubesi labhodlako, tikhulu talo titimphisi takusihlwa, letingashiyi lutfo lwangakusasa ekuseni.

Matewu 2:16

Kwatsi Herodi asabonile kutsi tati timyengile, watfukutsela wagcwala kokana, watfumela kutsi akubulawe bonkhe bantfwana labadvuna baseBhetlehema nakuto tonkhe tindzawo tangakhona lababeneminyaka lemibili nome ngephansi, kwaya ngesikhatsi labesibutisise etatini.

1 yaPhetro 5:8

Zitsani, nilindze. Sitsa senu, Sathane, siyajangaza emkhatsini wenu njengelibhubesi lelibhodlako, sitfungatsa lesingahle simmite.