Taga 28:11 - Siswati 1996 Bible

Sicebi singacabanga kutsi sihlakaniphile; kodvwa luphuya loluhlakaniphile lwati kancono kutsi liciniso liyini.

Taga 28:11 Referencias Cruzadas

Jobe 32:9

Akusibo labadzala bodvwa labanekuhlakanipha, futsi akusibo lase bagugile bodvwa labakwatiko lokulungile.

Taga 18:11

Ingcebo yemuntfu lonjingile siphephelo sakhe. Uyaye acabange kutsi nguyona nqaba yakhe lengamvikela.

Taga 18:17

Sikhulumi sekucala ecaleni sibonakala shangatsi sicinisile, kuze kufike lomunye asibute.

Taga 19:1

Kuncono kuba luphuya wetsembeke kunekutsi ube silima lesicalemanga.

Taga 23:4

Caphela ungatibulali ngekucoshana nebunjinga; tsatsa kuhlakanipha nekutibamba.

Taga 26:12

Wake wambona kambe umuntfu locabanga kutsi uhlakaniphile? Silima sincono kakhulu kunaye.

Taga 26:16

Livila liyaye licabange kutsi lihlakaniphe kakhulu kwendlula emadvodza lasikhombisa laphendvula ngekuhlakanipha.

Taga 26:5

Phendvula silima njengalokufanele bulima baso, khona sitawubona kutsi asikahlakaniphi njengobe siticabanga.

Taga 3:7

Ungatenti sihlakaniphi, yesaba Simakadze, ukuyekele lokubi.

Isaya 5:21

Maye kulabo labatibona bahlakaniphile emehlweni abo, batibone bona kutsi bahlakaniphile.

KubaseRoma 11:25

Bazalwane, ngitsandza kutsi niyati lemfihlakalo yeliciniso; ngobe naningayati, ningahle nicabange kutsi nihlakaniphile. Lemfihlakalo kutsi labanye bema-Israyeli behlelwa bulukhuni khona kutewutsi betive bahlunyeleliswe ngalokuphelele.

KubaseRoma 12:16

Nibambisane ngamoya munye nonkhe. Ningafisi lokuphakeme, kodvwa nibe nebudlelwane nalabatfobekile. Ningacabangi kutsi nihlakaniphile.

1 kuThimothi 6:17

Yala labacebile kulelive lamanje kutsi bangatikhukhumeti, bangabeki nematsemba abo kulomcebo lophelako, kodvwa bawabeke kuNkulunkulu losipha konkhe ngalokuphelele, kuze sitfokote ngako.