Taga 27:10 - Siswati 1996 Bible Ungakhohlwa umngani wakho nemngani weyihlo. Nawehlelwa yinhlupheko ungayi kuyawucela lusito kumnakenu; kuncono uye kumakhelwane losedvutane kunekuya kumnakenu lokhashane. |
Mefiboshethi naye, umntfwanemntfwana Sawula, wehla watawuhlangabeta inkhosi Davide. Abengazange atigeze tinyawo takhe, nesilevu sakhe abengazange asihhule, netimphahla takhe abengazange atigeze kusukela mhlazane inkhosi, Davide, iphuma eJerusalema kwaze kwaba lilanga leyabuya ngalo iphephile.
Tonkhe titukulwane tamkhulu wami betingakafanelwa lutfo ngaphandle kwekubulawa yinkhosi yami, nkhosi, kodvwa inceku yakho wayipha indzawo kutsi ihlale kanye nalabadla etafuleni lakho. Ngako angisenalungelo lekubuye ngicele lomunye umusa enkhosini yami.”
Inkhosi yambonelela Mefiboshethi, umsa waJonathani, umsa waSawula, ngenca yesifungo labasenta embikwaSimakadze boDavide naJonathani, umsa waSawula.
Inkhosi Jowashi ayizange iwukhumbule umusa leyayiwentelwe nguyise waZakhariya, labenguJehoyada, yesuka yabulala umsa wakhe. Zakhariya watsi nase alayela, asafa watsi: “Shangatsi Simakadze angasibona lesento senu anivuze ngaso.”
Umngani unelutsandvo ngaso sonkhe sikhatsi; kantsi umnakenu utalelwe kutsi netfwalisane naye tinhlupheko.
Labanye bangani bayakuhlamuka; kodvwa labanye bangani basondzela kakhulu kwengca banakenu bengati.
Nangabe umuntfu alahlwa bomnakabo ngenca yebuphuya bakhe, nakanjani nebangani bakhe batambalekela. Angetama kubawunga ngemavi, kodvwa angeke aphumelele.
Naku lokushiwo nguSimakadze, utsi: “Cala lini boyihlo labalitfola kimi, kutsi bangaze baphambuke kangaka kimi? Balandzela tithico letingenamsebenti, nabo sebagucuka baba lite.
Ngakusasa ekuseni lamanye emaJuda ahlangana enta lisu, ase atibopha ngesifungo kutsi ngeke akudle kudla, nekunatsa angeke anatse angakambulali Pawula.
“Nangabe ubona inkhabi nome imvu yemnakenu ilahleka, ungayitsalaliseli, kodvwa caphela kutsi uyayikhawula uyibuyisele kuye.