Kulobo busuku uyise bamnatsisa liwayini, wadzakwa. Litubulo lakhe langena kuye, lalala neyise. Loti akazange asamuve nekutsi wangena nini waphuma nini engutjeni, ngobe bekadzakwe kakhulu.
Taga 23:29 - Siswati 1996 Bible Ngubani lotsi: “Maye?” Ngubani lonelusizi? Ngubani lonenkhani? Ngubani lokhononako? Ngubani lonemanceba nemihuzuko ngelite? Ngubani lonemehlo labovu? |
Kulobo busuku uyise bamnatsisa liwayini, wadzakwa. Litubulo lakhe langena kuye, lalala neyise. Loti akazange asamuve nekutsi wangena nini waphuma nini engutjeni, ngobe bekadzakwe kakhulu.
Emehlo abo ayawuba bovu ngenca yeliwayini, ematinyo abo ayawuba mhlophe ngenca yelubisi.
Davide wammema kutsi atewudla kanye naye ekudleni kwakusihlwa, wamklinkla ngetjwala, entela kutsi adzakwe. Kodvwa nangalobo busuku Uriya akazange aye ekhaya lakhe, wesuka walala kanye naletinye tinceku tenkhosi yakhe esigodlweni.
Absalomu wakhuluma kuletinceku takhe, watsi: “Lalelani! Utakutsi Amnoni nasanatse waze wativa asamnandzi, ngitsi kini: ‘Jubani Amnoni afe,’ nibombulala. Ningesabi, ngobe leligunya nalamandla ninikwa ngimi. Cinani nibe nesibindzi.”
Liwayini lenta umuntfu abe sidvwaladvwala, abange nemsindvo. Kute umuntfu lotiphatsa kahle nasadzakiwe.
Tidzakwa netimiti tiphetsa ngebuphuya. Nawuphila ngekulala ungasebenti, uyawugcina wembatsa emanikiniki.
Maye kulabo labavuka ekuseni ngeluvivi bagijimele etinatfweni letidzakanako, batihlalele kuze kube ngusebusuku kakhulu, badzimate behlulwe nguleliwayini labo.
Maye kulabo labangemachawe ekunatseni liwayini, nakulabo labangemachawe ekudidiyeleni sinatfo lesinemandla,
Bayawugigeleka bona emanyeveni, nasekudzakweni liwayini labo. Bayawushwabudzeleka njengemahlanga lomisiwe.