Taga 16:28 - Siswati 1996 Bible

Umuntfu loguculela lokuliciniso ususa luchuku nekulwa, umuntfu wenhlebo wehlukanisa bangani labetsembene.

Taga 16:28 Referencias Cruzadas

Taga 15:18

Umuntfu lonenhlitiyo lencane ususa lutfutfuva; kodvwa umuntfu lobeketelako uletsa kuthula lapho kunembango khona.

Taga 16:27

Bantfu lababi bafunana netindlela tekuvisa labanye buhlungu, ngisho nemavi abo avutsa emalangabi ebubi.

Taga 16:29

Sidlova siwunga makhelwane waso, simholele etindleleni tekonakala.

Taga 17:17

Umngani unelutsandvo ngaso sonkhe sikhatsi; kantsi umnakenu utalelwe kutsi netfwalisane naye tinhlupheko.

Taga 17:9

Umuntfu lotsetselelako angaphindziseli uhlumelelisa lutsandvo; kodvwa lolibala kukhuluma ngaleyo ndzaba wehlukanisa ngisho bangani labetsembene.

Taga 18:6

Emavi esilima abanga kucabana, naloko lakushoko kumbangela kutsi bantfu bamshaye.

Taga 18:8

Emavi enhlebo afanana nemtsamo wekudla lokumnandzi; ehla kamnandzi afinyelele ngekhatsi etibilinini temuntfu.

Taga 29:22

Umuntfu losheshe atfuketsele ususa lutfutfuva; yebo, umuntfu lonenhlitiyo lencane ubanga tono letinyenti.

Taga 30:33

Kuphehla lubisi kuveta liphehla. Kushaya likhala kuveta ingati. Kanjalo, nekususa luchuku kuveta kucabana.

Taga 6:14

Sonkhe sikhatsi sakha emachinga ebubi enhlitiyweni yaso, sisuse nelutfutfuva lwekulwa.

Taga 6:19

nafakazi lotfulula emanga, nemuntfu locabanisa bazalwane.

KubaseRoma 1:29

Bagcwele tonkhe tinhlobo tebubi: kona, nekuhawukela, nekuzindlekela; bagcwele umona, nekubulala, nekulwa, nemacebo, nebucili, nenhlebo.

2 kubaseKorinthe 12:20

Ngobe ngesaba kutsi mhlawumbe ngiyawutsi ngiyefika lapho kini nginikhandze ningesiko loko lengibheke kutsi nibe ngiko, nami ningikhandze ngingesiko loko lenibheke kutsi ngibe ngiko. Ngesaba kutsi mhlawumbe kunekulwa, nemona, nekutfukutsela, nebugovu, nenkhani, nenhlebo, nekutatisa, nesiphitsiphitsi.

1 Samuweli 24:9

Watsi kuSawula: “Ubalalelelani labantfu labatsi: ‘Davide ufuna kukulimata?’