Taga 15:8 - Siswati 1996 Bible

Imihlatjelo lenikelwa ngulababi isinengiso kuSimakadze; kodvwa imithandazo yebantfu labetsembekile iyamjabulisa.

Taga 15:8 Referencias Cruzadas

2 Samuweli 15:12

Kwatsi Absalomu asanikela ngemhlatjelo, waphindze watfumela kwalandvwa Ahithofeli, umGilo, edolobheni lakubo laseGilo; Ahithofeli abengulomunye webeluleki baDavide. Ngako loluzungu lwacina, sibalo sebantfu lababelandzela Absalomu sandza.

1 Emakhosi 3:10

Simakadze kwamjabulisa kutsi Solomoni acele loko.

1 Tikhronike 29:17

Ngiyati, Nkulunkulu wami, kutsi wena uvivinya inhlitiyo ujatjuliswe bucotfo. Tonkhe letintfo ngitinikele ngenhlitiyo levumako nangekwetsembeka. Manje sengibonile ngekujabula kutsi sive sakho lesikhona lapha sinikele kanjani ngenhlitiyo levumako kuwe.

Tihlabelelo 141:2

Shangatsi umthandazo wami ungaba njengemphepho kuwe; nekuphakamisa kwami tandla akube kuwe njengemihlatjelo yakusihlwa.

Tihlabelelo 17:1

Awu, Simakadze, ase ulalele kuncusa kwami lokumsulwa. Beka indlebe yakho emthandazweni wami, lophuma emlonyeni lote inkhohliso.

Taga 10:24

Lokwesatjwa ngumuntfu lomubi kuyamehlela; kodvwa lolungile uphiwa loko lakufunako.

Taga 15:29

Simakadze ukhashane nebantfu lababi; kodvwa uyayiva imithandazo yebantfu labalungile.

Taga 15:7

Emavi emuntfu lohlakaniphile andzisa lwati; kodvwa tinhlitiyo tetilima atinjalo.

Taga 21:27

Imihlatjelo lenikelwa bantfu lababi isinengiso, ikakhulu nayinikelwe ngetinjongo letimbi.

Taga 21:3

Kwenta kulunga nekungakhetsi kumjabulisa kakhulu Simakadze kunekumentela iminikelo yemihlatjelo.

Taga 28:9

Nangabe umuntfu angafuni kugcina umtsetfo, ngisho nemithandazo yakhe iyenyanyeka kuNkulunkulu.

Umshumayeli 5:1

Caphela tinyatselo takho, nawuya endlini yaNkulunkulu. Ngobe kuncono kusondzela nekulalela kunekutsi unikele ngemhlatjelo wetilima, letingati kutsi ngekwenta loko tiyona.

Ingoma Yetingoma 2:14

Tuba lami lelisemifantfwini yemadvwala, etindzaweni tekubhaca emaceleni etintsaba, ngikhombise buso bakho, ungivise neliphimbo lakho; ngobe liphimbo lakho liyanongotela, nebuso bakho buyatsandzeka.

Isaya 61:8

“Ngobe mine, Simakadze, ngiyakutsandza kwehlulela ngebucotfo. Ngiyakutondza kudlelela nekona, bantfu bami ngiyawubakhokhela njengekwetsembeka kwami, ngente sivumelwane saphakadze naphakadze nabo.

Isaya 66:3

Batikhetsele tindlela tabo: Lowo lonikela ngemhlatjelo wenkunzi ufanana nemuntfu lobulala indvodza, nalowo lonikela ngelizinyane lemvu ufanana nemuntfu lowephula intsamo yenja. Lowo lowenta umnikelo walokutinhlavu ufanana nemuntfu lonikela ngengati yengulube, nalowo lotfuncisa imphepho yesikhumbuto ufanana nemuntfu lokhonta sithico. Imiphefumulo yabo iyatijabulisa kuleto tinengiso tabo.

Jeremiya 6:20

Nginandzabani mine nemphepho yaseSheba, nome-ke nemakha ekhalamusi lanongotelako laphuma eveni lelikhashane? Iminikelo yenu yekushiswa ayikemukeleki kimi, nemihlatjelo yenu ayingijabulisi.”

Danyela 9:23

Watsi nje ucala kuthandaza, wanikwa imphendvulo, lengitekutjela yona, ngobe utsandzekile. Ngako visisa lelivi, uwucondzisise lombono:

Levithikusi 7:18

Nangabe leyo nyama yemnikelo wakhe wekuthula seyidliwa ngelilanga lesitsatfu, lomnikati wawo angeke asemukeleka kanye nemnikelo wakhe. Lomnikelo utawuba sinengiso, nalowo lowudlako uyakwetfwala licala.

Mikha 6:6

Ngiyawuletsani mine kuSimakadze, Nkulunkulu wemazulu, nangitemkhonta? Ngiyawuletsa emazinyane lamnyaka munye abe ngumnikelo wekushiswa kuye yini?

Mikha 6:7

Kungabe Simakadze uyawujabula yini, nangimletsela tinkhulungwane tetimvu nome imifula lengancamuki yemafutsa emncumo? Ngifanele yini kunikela kuye ngelitubulo lami, lekusitselo semtimba wami, kutsi libe yinhlawulo yetono tami?

Hagayi 2:14

Hagayi wabe sewutsi: “ ‘Ngako-ke banjalo nalabantfu, sinjalo nalesive lesisembikwami. Konkhe labakwentako, nako konkhe labakunikelako lapho kungcolile,’ kusho Simakadze.”

Malakhi 1:10

“Awu, shangatsi lomunye wenu angavala iminyango yelithempeli, kuze ningetikuyokhela imililo lengenamsebenti elatini lami! Angijabuli ngani, futsi ngingeke ngiwemukele umnikelo lophuma etandleni tenu,” kusho Simakadze longuSomandla.

Johane 4:24

Nkulunkulu unguMoya, nalabo labamkhontako bafanele kumkhonta ngaMoya nangeliciniso.”