Taga 15:15 - Siswati 1996 Bible

Emalanga emuntfu lohluphekako mabi; kodvwa lonenhlitiyo lejabulile kuphila kwakhe kulidzili.

Taga 15:15 Referencias Cruzadas

Genesisi 37:35

Onkhe emadvodzana akhe ase eta kuye atekumdvudvuta. Kodvwa wala kudvudvutwa watsi: “Ngiyawuze ngehle ngiye endzaweni yalabafile, lapho kunendvodzana yami khona, seloku ngililela indvodzana yami.” Ngako-ke uyise wachubeka walila.

Genesisi 47:9

Jakobe wamphendvula watsi: “Iminyaka yami yekuzulazula seyili-130. Leminyaka lembalwa inebulukhuni emphilweni yami. Noko ngisengakabi mdzala ngefika eminyakeni yabokhokho ekuzulazuleni kwabo.”

Taga 15:13

Inhlitiyo lejabulile yenta buso bujabule; kodvwa ngelusizi umoya uyephuka.

Taga 15:14

Ingcondvo yemuntfu lohlakaniphile ifuna lwati; kodvwa tilima titondla ngebulima.

Taga 15:16

Kuncono kuba nalokuncane kanye nekwesaba Simakadze kunekuba nemcebo lomnyenti netinkhatsato tawo.

Taga 16:22

Kuhlakanipha kungumtfombo wekuphila kulabo labanako; kodvwa kubulima kwetama kufundzisa silima.

Taga 17:22

Kuhlala ujabulile kungumutsi lophilisako; kodvwa lohlala akhubekile utsatsa lejubako leya ekufeni.

Imisebenti yebaPhostoli 16:25

Kwatsi ekhatsi nebusuku boPawula naSilasi bathandaza bahlabela tingoma tekudvumisa Nkulunkulu, tiboshwa letinye tatibalalele.

KubaseRoma 12:12

Tfokotani etsembeni, nibeketele elusizini, nicinisele njalo emthandazweni.

KubaseRoma 5:11

Noko akusiko loko kuphela, kodvwa siphindze sijabula kuNkulunkulu ngaJesu Khristu iNkhosi yetfu lokungaye semukeliswe kubuyisana naNkulunkulu.

2 kubaseKorinthe 1:12

Kutibonga kwetfu kunye, kutsi nembeza wetfu umhlophe embikwebantfu, ikakhulu kini. Ekutiphatseni kwetfu besimsulwa sesaba Nkulunkulu ngeliciniso, hhayi ngekuhlakanipha kwetfu, kepha ngemusa waNkulunkulu.

2 kubaseKorinthe 1:5

Njengaloku tinhlupheko taKhristu tisiphetse kangaka, kanjalo-ke nekudvudvuteka kwetfu kuyaphuphuma ngaKhristu.

2 kubaseKorinthe 6:10

Siviswa buhlungu, kodvwa sitfokota njalonjalo. Siphuyile, kodvwa banyenti lesibanjingisako. Asinalutfo, kodvwa sinako konkhe.

1 yaPhetro 4:13

Kodvwa tfokotani, ngobe ninesabelo etinhluphekweni taKhristu, kuze kutsi nitfokote kakhulu nakwembulwa bukhosi bakhe.