Taga 14:8 - Siswati 1996 Bible

Kuhlakanipha kwemuntfu locotfo kumholela endleleni lelungile; kodvwa tilima tedukiswa bulima bato.

Taga 14:8 Referencias Cruzadas

Tihlabelelo 111:10

Kwesaba Nkulunkulu sicalo sekuhlakanipha. Bonkhe labahamba ngemitsetfo yakhe banengcondvo lenhle. Umelwe kudvunyiswa phakadze naphakadze.

Tihlabelelo 119:5

Shangatsi tindlela tami tingacondza njalo ekutigcineni timiso takho.

Tihlabelelo 119:73

Tandla takho tangidala tangibumba; ngiphe ingcondvo yekufundza imiyalo yakho.

Tihlabelelo 143:8

Ngivise umusa wakho ekuseni nakudzabuka kusa, ngobe litsemba lami lonkhe likuwe. Ngifundzise indlela lekufanele ngihambe ngayo, ngobe umphefumulo wami ngiwuphakamisela kuwe.

Taga 11:18

Umuntfu lomubi utfola inzuzo ngendlela lembi; kodvwa lohlanyela ngebucotfo utfola sivuno lesikhonsako.

Taga 12:5

Emasu alabalungile mahle; kodvwa teluleko talababi tiyedukisana.

Taga 15:21

Umuntfu lokhohlakele ujatjuliswa bulima; kodvwa umuntfu lonekucondza akeduki.

Taga 2:9

Ngako, wena utakucondza kulunga, nebumsulwa, nebucotfo, ukwati nalokufanele.

Taga 8:20

Ngihamba endleleni yekulunga, yebo, emikhondvweni yebumsulwa.

Umshumayeli 2:13

Ngabona kutsi kuhlakanipha kuncono kunebulima, njengobe nekukhanya kuncono kunebumnyama.

Umshumayeli 2:16

Kukhunjulwa kwesihlakaniphi akukwendluli ngalutfo kukhunjulwa kwesilima, ngobe ngekuhamba kwemalanga bobabili bayawukhohlakala. Lohlakaniphile nalosilima bafa kufa kunye!

Jeremiya 13:20

Phakamisani emehlo enu nibone labo labaphuma enyakatfo. Uphi lomhlambi lebewubekwe etandleni tenu, timvu lebenitigabatisa ngato?

1 kubaseKorinthe 3:19

Ngobe kuhlakanipha kwalomhlaba kubulima kuNkulunkulu; futsi kubhaliwe kutsi: “Ubamba labahlakaniphile ebucilini babo,”

Kubase-Efesu 4:22

Khumulani umuntfu lomdzala wesimilo sakucala, lose onakala ngetinkhanuko tenkhohliso,

Kubase-Efesu 5:17

Ngako-ke ningabi tilima, kodvwa yatini loko lokuyintsandvo yeNkhosi.

2 kuThimothi 3:13

kepha lababi nebakhohlisi bayawudlanga ngebubi, bedukise, nabo bedukiswe.

YaJakobe 3:13

Ngubani lohlakaniphile nalocondzisisako emkhatsini wenu? Akakhombise imphilo yakhe lelungile ngemisebenti yakhe ngekutfobeka lokunenhlakanipho.