Taga 14:10 - Siswati 1996 Bible

Inhlitiyo yemuntfu buhlungu bayo itetfwalela yona yodvwa, futsi kute longase abe nesabelo ekujabuleni kwayo.

Taga 14:10 Referencias Cruzadas

Genesisi 42:21

Bakhuluma bodvwana batsi: “Ase nibheke-ke manje sesiyavuna ngalobubi lesabenta kumnaketfu Josefa. Satsi sesikubona kukhatsateka kwemphefumulo wakhe, nasincenga, satsalalisa sangete samlalela. Ngiko nje sesikulenhlupheko manje.”

2 Emakhosi 4:27

Watsi kube efike kulomuntfu waNkulunkulu entsabeni, wabamba tinyawo ta-Elisha. Gehazi weta kuye wafike wamfuca, amkhweshisa; kodvwa lomuntfu waNkulunkulu watsi: “Myekele! Uselusizini lolukhulu, kodvwa Simakadze ungifihlele loko, futsi nami abesengakangitjeli.”

Jobe 10:1

“Seyiyangicansula yona lemphilo yami. Ngako-ke ngitawusola ngenkhululeko, ngikhulume ngiphumisele bumunyu bemphefumulo wami.

Jobe 21:25

Lomunye ufa anelusizi emphefumulweni, angazange sekativele nome ngabe yini lemnandzi.

Jobe 7:11

“Ngako ngingeke ngithule, ngitawukhuluma ngikuletinhlungu temoya wami, ngikhonone kulobumunyu bemphefumulo wami.

Jobe 9:18

Abengeke angivumele ngiphindze ngitfole umphefumulo wami, kodvwa abeyawungifumbela ngekudzabuka nje.

Tihlabelelo 25:14

Timfihlakalo takhe, Simakadze, utinika labamesabako, abafundzise kwati sivumelwane sakhe.

Taga 15:13

Inhlitiyo lejabulile yenta buso bujabule; kodvwa ngelusizi umoya uyephuka.

Taga 18:14

Umoya wemuntfu umenta akubeketelele kugula; kodvwa umoya lodzabukile ngubani longawubeketelela?

Hezekeli 3:14

Moya wangiphakamisela etulu wangisusa, ngahamba ngibuhlungu, umoya wami umunyu; ngobe sandla lesimatima saSimakadze sasisetikwami.

Johane 12:27

“Manje inhlitiyo yami ilusizi. Ngitawutsini nje? Ngitsi: ‘Babe, ngisindzise kulomzuzu’? Cha, phela lapha emhlabeni ngetela lomzuzu.

Johane 14:18

“Ngingeke nginishiye nitintsandzane, ngitawubuya ngite kini.

Johane 14:23

Jesu wamphendvula watsi: “Umuntfu nakangitsandza, uyawugcina emavi ami. Babe uyawumtsandza. Tsine-ke naBabe siyawuta kuye, sihlale naye.

KubaseFiliphi 4:7

Kuthula kwaNkulunkulu lokwendlula konkhe kwati kutawulondvolota tinhlitiyo tenu nemicabango yenu kuKhristu Jesu.

1 yaPhetro 1:8

Niyamtsandza, nome ningazange senimbone; niyakholwa kuye nome ningakamboni, futsi nitfokota ngenjabulo lengenawuchazeka ngemavi emlomo,

Sembulo 2:17

“ ‘Lowo lonendlebe akeve loko lokushiwo nguMoya emabandleni! “ ‘Loncobako ngiyawumnika lokukwemana lefihliwe, ngiphindze ngimnike litje lelimhlophe, nelibito lelisha, lelibhalwe etjeni, lelingatiwa ngumuntfu ngaphandle kwalowo lolemukelako.’ ”

1 Samuweli 1:10

Ngenca yebuhlungu nekukhatsateka kwakhe emphefumulweni, Hana wakhala kakhulu, wathandaza kuSimakadze.

1 Samuweli 1:15

Kodvwa Hana waphendvula watsi: “Cha, nkhosi yami, angikadzakwa, ngingumfati loselusizini lolukhulu, angikaze ngilinatse liwayini nome tjwala, bengisatfulula inhlitiyo yami kuSimakadze.