Taga 12:25 - Siswati 1996 Bible

Kukhatsateka kuyamondzisa umuntfu; kodvwa livi lemusa limenta ajabule.

Taga 12:25 Referencias Cruzadas

Tihlabelelo 38:6

ngikhonkhobele, ngatfotjiswa kakhulu, ngihamba ngikhala lilanga lonkhe.

Tihlabelelo 42:11

Mphefumulo wami, udzabukeleni? Uvungamelani ngekhatsi kwami? Mani kuNkulunkulu, ngobe ngisetawumdvumisa uMsindzisi wami naNkulunkulu wami.

Taga 12:18

Emavi lakhulumeke ngebudlabha ahlaba njengesikhali; kodvwa emavi lakhulumeke ngekuhlakanipha ayaphilisa.

Taga 12:26

Umuntfu lolungile ungumholi kumakhelwane wakhe; kodvwa lababi bayedukisana.

Taga 14:10

Inhlitiyo yemuntfu buhlungu bayo itetfwalela yona yodvwa, futsi kute longase abe nesabelo ekujabuleni kwayo.

Taga 15:13

Inhlitiyo lejabulile yenta buso bujabule; kodvwa ngelusizi umoya uyephuka.

Taga 15:15

Emalanga emuntfu lohluphekako mabi; kodvwa lonenhlitiyo lejabulile kuphila kwakhe kulidzili.

Taga 15:23

Umuntfu uyajabula nakanika imphendvulo lengiyo. Maye! Kuhle kunika imphendvulo lefanele ngesikhatsi lesifanele!

Taga 15:30

Buso lobumamatsekako buyajabulisana, tindzaba letimnandzi ticinisa ematsambo.

Taga 16:24

Emavi lajabulisako afanana neluju, anambitseka kamnandzi aphilise umtimba.

Taga 17:22

Kuhlala ujabulile kungumutsi lophilisako; kodvwa lohlala akhubekile utsatsa lejubako leya ekufeni.

Taga 18:14

Umoya wemuntfu umenta akubeketelele kugula; kodvwa umoya lodzabukile ngubani longawubeketelela?

Taga 25:11

Livi lelikhulunywe ngesikhatsi lesifanele lifanana nemahhabhula egolide labekwe etindishini tesiliva.

Taga 27:9

Emakha nemafutsa lanuka kamnandzi ajabulisa inhlitiyo; kodvwa bungani sibili buyawuphakamisa umphefumulo.

Isaya 50:4

INkhosi Simakadze inginike lulwimi lolufundzisiwe, kuze ngati livi lekucinisa labamadvolo abo asaceka. Ungivusa njalo nje, ekuseni avuse indlebe yami itewulalela, njengemuntfu nakafundziswa.

Zakhariya 1:13

Ngako Simakadze wakhuluma emavi lamnandzi ekudvudvuta kulengilosi leyayikhuluma nami.