Taga 10:4 - Siswati 1996 Bible

Buvila benta umuntfu abe luphuya; kodvwa kukhutsala kwenta umuntfu abe yinjinga.

Taga 10:4 Referencias Cruzadas

Genesisi 26:32

Ngalo lelo langa tisebenti ta-Isaka teta kuye tamtjela ngesicobho letase tisimbile tatsi: “Sesiwatfolile emanti.”

Taga 10:5

Indvodzana lehlakaniphile ngulebutsa kudla emasimini nase kulungile; kodvwa lelalako nakuvunwako iyahlazisana.

Taga 11:24

Umuntfu lowephana ngemali yakhe wandzisa umcebo wakhe; lomunye uyemana, asuke agcine asaluphuya.

Taga 12:24

Sandla lesikhutsele emsebentini sigcina siphetse; kodvwa livila ligcina lisigcili.

Taga 12:27

Umuntfu lolivila uyalamba; kodvwa lokhutsele ugcina aphumelele.

Taga 13:4

Umuntfu lolivila ufisa lokunyenti agcine angakatfoli lutfo; kodvwa lokhutsele unikwa lokunyenti.

Taga 18:9

Umuntfu lolidlabha emsebentini wakhe ufanana nemuntfu lobhubhisako.

Taga 19:15

Buvila benta umuntfu adzakwe butfongo, nemuntfu longasebenti uyalamba.

Taga 19:24

Livila liyasifaka sandla salo ekudleni endishini; kodvwa bese liyavilapha kusimikisa emlonyeni.

Taga 20:13

Ungalibali kulala, ngobe utawugcina umphofu. Hlala usebenta, khona utawuba nenala yekudla.

Taga 20:4

Livila liyehluleka kulima ngesikhatsi lesifanele, nase kuvunwa lona alibuyi nalutfo etsafeni.

Taga 21:5

Emasu emuntfu lokhutsele amdvonsela ekuphumeleleni; kanjalo nematata aholelana ebumphofini.

Umshumayeli 10:18

Nangabe umnikati wendlu avilapha, luphahla lwendlu yakhe luyahhibika; kantsi futsi nakayingileka nje, indlu yakhe igcina seyingenela.

Johane 6:27

Ningabosebentela kudla lokuphelako, kepha nibosebentela kudla lokutawukhonsa kuze kubesekuphileni lokuphakadze leyawunipha kona iNdvodzana yeMuntfu. Ngobe Nkulunkulu uYise ulubekile luphawu kuyo.”

1 kubaseKorinthe 15:58

Ngako-ke, bazalwane bami labatsandzekako, banini ngulabasimile labangaceki, nikhutsale emsebentini weNkhosi ngaso sonkhe sikhatsi, nati kutsi kusebenta kwenu akusilo lite eNkhosini.