Sililo 4:2 - Siswati 1996 Bible

Maye, emadvodzana labalulekile aseSiyoni, noko nawo ake alingana negolide lecengekile, njengaloku nyalo asatsatfwa njengetindziwo telibumba nje, umsebenti wetandla tencondzi yetekubumba ngelibumba!

Sililo 4:2 Referencias Cruzadas

Isaya 30:14

Lutawucetuka tincetu njengeludziwo loluphihlitwe ngelunya, kangangekutsi emkhatsini wetincetu talo ungeke sewutfole ngisho neludzengelo lwekubutsa emalahle etiko, nome nje lwekukhelela emanti emgodzini.”

Isaya 51:18

Kuwo onkhe emadvodzana lowawatala kwabate nayinye yekukucondzisa endleleni; kuwo onkhe emadvodzana lowawakhulisa, kwabate nayinye leyakubamba ngesandla sakho.

Jeremiya 19:1

Naku lokushiwo nguSimakadze, utsi: “Hamba uyewutsenga ludziwo lapha kumbumbi. Tsatsa labanye balabadzala kanye nebebaphristi,

Jeremiya 19:11

utsi kubo: ‘Naku lokushiwo nguSimakadze longuSomandla, utsi: Ngitasibhidlita lesive kanye nalelidolobha njengaloludziwo lwalombumbi lolubhidlitiwe, futsi lolungasayiwuphindze luvusetelwe kabusha. Bayawungcwaba labafile babo eThofethi, bagcwale kuze kubete nendzawo yekubembela.

Jeremiya 22:28

Lendvodza lenguJehoyakhini iyedzeleleka yini, ilibhodo lelephukile yini, nome iyintfo lengafunwa ngumuntfu yini? Pho, yena nebantfwabakhe batawukhukhulelwani bakhishwe, bese balahlelwa eveni labangalati?

Sililo 2:21

“Labasha nalabadzala kulale lunja kanyekanye elutfulini lwetitaladi; emajaha ami netintfombi tami kuwe ngelusiko lwenkemba. Ubabhubhisile ngelilanga lentfukutselo yakho; ubabulale ngenkemba ungenasihawu nabo.

Sililo 5:12

Tikhulu tilengiswe ngetandla tato; labadzala bangete bahlonishwa.

Hoseya 8:8

Israyeli umitiwe, manje sewusemkhatsini wetive njengentfo lengenamsebenti.

Zakhariya 9:13

Juda ngiyawumgoba njengobe ngigoba butjoki bami, ngibugcwalise nga-Efrayimu, kutsi abe ngumcibisholo wami. Awu Siyoni, ngiyawukuvusela emadvodzana akho emelane nemadvodzana akho, Grisi, sive sami ngisente inkemba yelichawe.

2 kubaseKorinthe 4:7

Kepha lamagugu lesinawo siwaphetse ngetitja telibumba. Loko kubonakalisa kutsi lamandla lamakhulu kangaka akasiwo etfu kepha ngaNkulunkulu.

2 kuThimothi 2:20

Endlini lenkhulu akuhlali titja tegolide netesiliva kuphela, kodvwa kukhona netelugodvo, netelibumba. Letinye tihloniphekile, letinye tekusetjentiswa nje nome kunini.