kanye nekucitsa kwakhe ingati leyayingenacala, ngobe phela iJerusalema yayigcwele ingati yebantfu lababengenacala. Simakadze abengakatimiseli kutsetselela Manase ngaloko.
kanye nekucitsa kwakhe ingati leyayingenacala, ngobe phela iJerusalema yayigcwele ingati yebantfu lababengenacala. Simakadze abengakatimiseli kutsetselela Manase ngaloko.
ngathandaza ngatsi: “Maye, Nkulunkulu wami, ngijabhile kakhulu futsi nginemahloni kutsi ngingaphakamisela kanjani buso bami kuwe, Nkulunkulu wami, ngobe tono tetfu setiphakeme kakhulu tengama tinhloko tetfu, nebubi betfu sebufikele emazulwini.
“Kodvwa abazange bakulalele, esikhundleni saloko bakuhlubuka, umtsetfo wakho bawufulatsela. Babulala baphrofethi bakho labebabayala kutsi babuyele kuwe; benta tinhlamba letesabeka kabi kakhulu.
Awu Simakadze, siyabuvuma bubi betfu kanye nelicala labobabe betfu; impela sonile kuwe.
Intfo-nje, vuma licala lakho lekutsi umhlubukile Simakadze Nkulunkulu wakho, usakate kutsandza kwakho kubonkulunkulu betive ngaphansi kwato tonkhe tihlahla letendlala emagala ato, wangete wangilalela mine,’ ” kusho Simakadze.
“Simakadze ulungile, noko ngayihlubuka imitsetfo yakhe. Lalelani, nonkhe nine tive, bukani kuhlupheka kwami. Emajaha akami netintfombi takami sebatfunjiwe.
“ ‘Manje kungcola kwakho luntjingintjingi lwenkhanuko yakho. Ngobe ngetama kukugeza, kodvwa wangete wavuma kugezwa kulokungcola kwakho, ungeke uphindze uhlanteke, luze lubotje lulaka lwami kuwe.
“Manje-ke, awu Simakadze, Nkulunkulu wetfu, wena lowakhipha sive sakho eveni laseGibhithe, ngesandla sakho lesinemandla, wena watakhela Libito lelihle, lelema kwadzimate kwaba ngulamuhla, sonile sente lokubi.
Baphi labokhokho benu nyalo? Labaphrofethi benu bona baphila kuze kube nguphakadze yini?
Kodvwa lamavi ami netimiso tami, lengabayala ngako ngemlomo webaphrofethi, tinceku tami, akuzange kufike yini etindlebeni taboyihlomkhulu? Base bayaphendvuka batsi: ‘Simakadze longuSomandla wente kitsi loko lobekusifanele ngekwetindlela tetfu nangalesikwentako, njengobe abesatimisele kukwenta.’ ”