Sililo 3:25 - Siswati 1996 Bible Simakadze ulungile kulaba lababeke litsemba labo kuye, kulaba labamfunisisako. |
“Wena-ke, Solomoni, ndvodzana yami, yenta Nkulunkulu weyihlo abe ligugu kuwe, umkhonte ngayo yonkhe inhlitiyo yakho nangengcondvo levumako, ngobe Simakadze uhlolisisa tonkhe tinhlitiyo acondzisise tonkhe tinjongo temicabango. Nawumfuna, utamtfola; kodvwa nawumlahla, naye utakuyekela phakadze naphakadze.
Wahamba waya kuyawuhlangana nenkhosi Asa, wafike kuye watsi: “Lalela lapha kimi, nkhosi Asa, nani nonkhe nine bakaJuda nebakaBhenjamini. Simakadze unani, uma ninaye. Nanimfuna, nitamtfola, kodvwa nanimlahla, naye uyakunilahla.
Kodvwa nome kunjalo, kukhona lokuhle kuwe, ngobe utisusile tinsika ta-Ashera kulelive, watimisela enhlitiyweni yakho kufuna Nkulunkulu.”
labo labatimisele ngenhlitiyo yabo kufuna Nkulunkulu, Simakadze Nkulunkulu waboyisemkhulu, nome bangakahlanteki njengekusho kwemtsetfo wendzawo lengcwele.”
Kuko konkhe lakwenta emsebentini welithempeli laNkulunkulu nekuhlonipha umtsetfo, nemiyalo, wafuna Nkulunkulu wakhe, asebenta ngayo yonkhe inhlitiyo yakhe. Ngako waphumelela.
Nganginemahloni kutsi ngicele inkhosi kutsi isinike emasotja nalagibele emahhashi kutsi asiphekeletele kusivikela etitseni tetfu endleleni, ngobe sase sivele siyitjelile inkhosi ngaloko, satsi: “Sandla lesihle saNkulunkulu wetfu sisetikwalowo nalowo lomfunako, kodvwa intfukutselo yakhe iphambene nalabo labamlahlako.”
Babusisiwe labo labagcina imiyalo yaSimakadze, bamfunisise ngayo yonkhe inhlitiyo yabo.
Labatitfobako bayawudla besutse, labafuna Simakadze bayawumdvumisa, bahalaliselwe kutsiwe: “Shangatsi ningaphila phakadze naphakadze!”
Wena utsite: “Funani buso bami.” Mine-ke enhlitiyweni yami ngitsi: “Buso bakho, Simakadze, ngiyabufuna.”
Tsemba Simakadze, ugcine indlela yakhe, yena uyawukuphakamisa udle lifa lemhlaba ubone kushabalaliswa kwalababi.
Thula embikwaSimakadze, umlindzele ngesineke. Ungahawukeli kumuntfu lonotsa ngebucili bakhe.
Wena, Nkulunkulu, utivile tetsembiso tami, ngobe nguwe lobanika lifa, labo labalesabako libito lakho.
Labatfobekile bayawubona bajabule, nine lenifuna Nkulunkulu tinhlitiyo tenu ativuseleleke.
Kepha mine ngiyawukwetsembela kuwe njalonjalo, ngengete kukudvumisa ekukudvumiseni kwami.
Ngalelo langa bayakutsi: “Ngempela, lona nguNkulunkulu wetfu, besetsembela kuye, naye wasisindzisa. Lona nguSimakadze lebesetsembele kuye; asijabule sitfokote ngensindziso yakhe.”
Umphefumulo wami ulangatelela wena ebusuku; ekuseni umoya wami ulangatelela wena. Ngesikhatsi tehlulelo takho tehlela etikwemhlaba, tive temhlaba tifundza kulunga.
Noko Simakadze ulangatelela kangaka kutsi abe nemusa kini. Uyaphakama kutsi anihawukele, ngobe Simakadze nguNkulunkulu lowehlulela ngemtsetfocotfo. Babusisiwe bonkhe labalindzela yena.
kodvwa labo labetsembele kuSimakadze batfola emandla lamasha. Bayawukhuphuka ngemaphiko njengetinsweti, bayawugijima bangadzinwa, bayawuhamba bangaphelelwa ngemandla.
Kusukela kadzenidzeni kute lowase weva, kute nendlebe leyase yeva, kute liso lelase labona lomunye Nkulunkulu ngaphandle kwakho, lomelela labo labalindzele yena.
Ngake ngatsi: ‘Tihlanyeleleni kulunga, nivune titselo temusa longapheli, bese nilima ingcatfo; ngobe sesikhatsi sekufuna Simakadze, adzimate efike ehlisele imvula yekulunga etikwenu.’
Simakadze utsi: “Ngako-ke ngimeleni, ngalelo langa ngiyawuma ngifakaze. Ngincume kuhlanganisa tive, ngibutsele ndzawonye imibuso, bese ngitfululela lulaka lwami etikwato, yonkhe intfukutselo yami leyesabekako. Umhlaba wonkhe uyawubhujiswa ngemlilo wekukhweleta kwentfukutselo yami.
Nonkhe nilindzele kuchamuka kweNdvodzana yakhe ezulwini, layivusa kulabafile. LeNdvodzana nguJesu losikhulula elulakeni lolutako.
Ngako-ke, bazalwane, beketelani kuze kufike iNkhosi. Ase nibuke umlimi lolindzela sitselo semhlaba lesiligugu; usibeketelela size sitfole imvula yekucala neyekugcina.