Davide wachubeka wakhuluma kulesive, watsi: “Dvumisani Simakadze Nkulunkulu wenu.” Ngako sonkhe sive sadvumisa Simakadze, Nkulunkulu waboyisemkhulu; baguca bakhotsamisa tinhloko tabo embikwaSimakadze nenkhosi.
Sembulo 4:10 - Siswati 1996 Bible lamalunga langema-24 awa phansi embikwakhe lohleti esihlalweni sebukhosi, amkhonte lowo lophila kuze kube phakadze. Etfula imichele yawo ayibeke embikwesihlalo sebukhosi, ahlabelele atsi: |
Davide wachubeka wakhuluma kulesive, watsi: “Dvumisani Simakadze Nkulunkulu wenu.” Ngako sonkhe sive sadvumisa Simakadze, Nkulunkulu waboyisemkhulu; baguca bakhotsamisa tinhloko tabo embikwaSimakadze nenkhosi.
Kwatsi kube onkhe ema-Israyeli abone lomlilo wehla nenkhatimulo yaSimakadze isetikwelithempeli, baguca phansi esiyilweni bakhotsama ngetinhloko tabo tibheke phansi, bakhonta Simakadze bambonga batsi: “Akabongwe Simakadze ngebuhle bakhe, ngobe umusa wakhe ume kuze kube phakadze.”
Watsi kube akuve loko Jobe, wasukuma waklebhula timphahla takhe, wahhula inhloko yakhe. Wesuka lapho watilahla phansi emhlabatsini wakhotsama,
Yenta kungabi ngitsi, Simakadze, yenta kungabi ngitsi, kepha akudvunyiswe libito lakho ngenca yemusa wakho nangenca yekwetsembeka kwakho.
Nkulunkulu ubusa etikwetive, Nkulunkulu uhleti esihlalweni sakhe lesingcwele sebukhosi.
Kwatsi ngemnyaka wekufa kwenkhosi Uziya, ngabona Simakadze ahleti esihlalweni sakhe sebukhosi, naso lesisetulu futsi siphakeme, umsila wesembatfo sakhe ugcwalise lonkhe lithempeli.
Lomuntfu labegcoke telineni, labesetikwalamanti emfula, waphakamisa sandla sakhe sekudla nesancele, watibhekisa ezulwini, ngamuva afunga ngaye lophila phakadze atsi: “Kuyawuba ngiminyaka lemitsatfu nesigamu. Nakuphelela kuhlushwa kwebantfwana baNkulunkulu, tonkhe letintfo tiyawube setentekile.”
“Ekugcineni kwaleso sikhatsi mine, Nebukhadnezari, ngaphakamisela emehlo ami ngabheka ngasezulwini, kukhanyelwa kwengcondvo yami kwabuyiselwa kimi. Ngabe sengidvumisa Longetulu Kwako Konkhe. Ngamhlonipha ngamdvumisa lowo lophila kuze kube phakadze. “Umbuso wakhe ungumbuso waphakadze; bukhosi bakhe buyawuhlala bumile titukulwane ngetitukulwane.
Tangena endlini, tabona umntfwana naMariya, unina. Taguca phansi, tadvumisa iNkhosi; tase tivula tikhwama tato, tamupha tipho: igolide, nemphepho, nemakha.
Kepha ngemusa waNkulunkulu nginguloku lengingiko, nemusa wakhe kimi awuzange ube lite, kodvwa ngasebenta kakhulu kunabo bonkhe, noko kungesimi, kodvwa kungumusa waNkulunkulu lonami.
Ngiphakamisela sandla sami ezulwini, ngimemetele ngitsi: ‘Njengobe ngiphila kuze kube phakadze,
yamfunga yena lophila kuze kube phakadze, lowadala lizulu nako konkhe lokukulo, nemhlaba nako konkhe lokukuwo, nelwandle nako konkhe lokukulo, yatsi: “Kutawubate lokutawubambelela!
Emalunga langema-24 labehleti etihlalweni tawo tebukhosi embikwaNkulunkulu, awa phansi ngebuso, akhuleka kuNkulunkulu,
Ngubani longayikwesaba advumise libito lakho, Nkhosi? Ngobe nguwe wedvwana longcwele. Tonkhe tive tiyawufika kuwe tikukhonte, ngobe tehlulelo takho letilungile setibonakalisiwe.”
Lesinye saletidalwa letine sanika letingilosi letisikhombisa titja tegolide letisikhombisa tigcwele lulaka lwaNkulunkulu lophila kuze kube phakadze.
Emalunga langema-24 netidalwa letine tawa phansi takhonta Nkulunkulu lohleti esihlalweni sebukhosi tatsi: “Amen! Haleluya!”
Masinyane ngaba kuMoya, kwabonakala ezulwini kume sihlalo sebukhosi, kukhona bekahleti kuso.
Sihlalo sebukhosi sasitungeletwe nguletinye tihlalo tebukhosi letatingema-24, lekwakuhleti kuto emalunga langema-24. Lamalunga abembetse tingubo letimhlophe, afake nemichele yegolide etinhloko tawo.
Njalo nje nangabe letidalwa letine tatibabata bukhosi bakhe, timdvumise, tibonga lowo lohleti esihlalweni sebukhosi, nalophila kuze kube phakadze,
Latsi kube liyitsatse lencwadzi, letidalwa letine kanye nemalunga langema-24 awa phansi embikweliWundlu, lelo nalelo liphetse ihabhu, netitja tegolide tigcwele imphepho lengimithandazo yalabangcwele.
Tonkhe tingilosi tema tatungeleta sihlalo sebukhosi, nemalunga, netidalwa letine, tawa phansi ngebuso embikwesihlalo sebukhosi, takhonta Nkulunkulu,