Sembulo 3:19 - Siswati 1996 Bible

Labo lengibatsandzako ngiyabakhalimela ngibajezise; ngako-ke shisekela lokuhle, uphendvuke.

Sembulo 3:19 Referencias Cruzadas

2 Samuweli 7:14

Mine ngiyawuba nguyise wakhe, yena abe yindvodzana yami. Nakenta lokubi, ngiyakumjezisa ngeluswati lwemadvodza, nangemivimba leyentiwa boyise kubantfwana.

Jobe 5:17

“Maye, ubusisiwe umuntfu locondziswa nguNkulunkulu! Ngako ungakwedzeleli kuyalwa nguSomandla.

Tihlabelelo 39:11

Nawekhuta umuntfu, umjezisa ngenca yekona kwakhe, umhlikite njengendvwangu lenhle kakhulu nayidliwa ngumvunya. Impela, kuphila kwemuntfu kunjengenkhungu. Cabanga.

Tihlabelelo 6:1

Awu, Simakadze, ungangijezisi ngentfukutselo yakho, ungangishayi ngelulaka lwakho.

Tihlabelelo 69:9

Ngidliwa kushisekela indlu yakho, tinhlamba talabakwetfukako tehlela etikwami.

Tihlabelelo 94:10

Nguye longumcondzisi wetive, pho, angeke ehlulele yini? Nguye lofundzisa lwati kubo bonkhe bantfu, pho, angabate kanjani lwati?

Taga 15:10

Umuntfu lowedukako ubuyiswa kamatima; kodvwa lowala kucondziswa uyawukufa.

Taga 15:32

Umuntfu longakunaki kuyalwa utedzelela yena matfupha; kodvwa lolalelako nayalwa ufundza kucondza.

Taga 22:15

Bulima buboshelwe engcondvweni yemntfwana; kodvwa luswati luyabutsintsitsa bonkhe.

Isaya 26:16

Simakadze, beta kuwe ekudzabukeni kwabo, ngesikhatsi ubajezisa babehluleka ngisho nekuhebeta umkhuleko.

Jeremiya 10:24

Awu, Simakadze, ngicondzise, loko ukwente ngemtsetfocotfo wakho kuphela, kungabi ngekwelulaka lwakho, funa ungehlise ngidzimate ngibe lite.

Jeremiya 2:30

“Ngajezisa bantfu bakini, kodvwa akukanisiti, abakaphendvuki nasekujezisweni kwabo. Inkemba yenu ishwabudzele baphrofethi benu, njengelibhubesi lelifukutsako.

Jeremiya 30:11

Nginawe, futsi ngiyawukusindzisa. Noko ngiyatibhubhisa ngiticedze tonkhe letinye tive, lebengikusakatele kuto, kodvwa wena ngingeke ngikubhubhise ngikucedze. Ngiyawukujezisa ngikucondzise noko ngekwehlulela ngebucotfo bemtsetfo, ngingeke ngikuyekele uhambe nje ungasashaywa nawonile,’ kusho Simakadze.

Jeremiya 31:18

“Impela ngikuvile kububula kwa-Efrayimu, kutsi: “ ‘Wangicondzisa njengelitfole lelisichomoketi, futsi vele sengifundzisekile. Ngibuyisele, ngitawubuyela, ngobe wena unguSimakadze longuNkulunkulu wami.

Jeremiya 7:28

Ngako-ke tsani kubo: ‘Lesi sive lesingamlalelanga Simakadze Nkulunkulu waso, futsi asiphendvukanga nasicondziswa. Liciniso seliphelile; linyamalele emilonyeni yabo.

Zefaniya 3:2

Alihloniphi muntfu, alivumi kucondziswa. Aletsembeli kuSimakadze. alisondzeli kuNkulunkulu walo.

Matewu 25:7

Tavuka-ke tonkhe leto tintfombi letatilishumi talungisa tibane tato.

Johane 2:17

Bafundzi bakhe base bayakhumbula kutsi umBhalo utsi: “Yebo, Nkulunkulu, kushisekela indlu yakho kuvutsa njengemlilo ngekhatsi kwami.”

KubaseRoma 12:11

Khutsalani, ningaphelelwa ngumdlandla, nivutse emoyeni, nikhonte iNkhosi.

1 kubaseKorinthe 11:32

Kepha nasehlulelwa yiNkhosi, siyalwa ngiyo, kuze singalahlwa kanye nelive.

2 kubaseKorinthe 6:9

Asinakwa, kodvwa satiwa kakhulu. Shangatsi siyafa, kodvwa siyaphila. Siyajeziswa, kodvwa asigwetjwa intsambo.

2 kubaseKorinthe 7:11

Ase nibuke nje kutsi lokudzabuka lokukwaNkulunkulu sekuveteni kini: Kukhutsala lokungaka, nekukwati kutiphendvulela, nekutfukutsela, nekwesaba, nekulangatelela, nenshisekelo, nekujezisa. Kuko konkhe senikhombise kutsi nite licala kulendzaba.

KubaseGalathiya 4:18

Kona kuhle kushisekela lokuhle njalonjalo, hhayi nangikhona emkhatsini wenu kuphela.

Dutheronomi 8:5

Yatini-ke etinhlitiyweni tenu kutsi njengobe indvodza iyicondzisa ibuye iyijezise indvodzana yayo, kanjalo Simakadze Nkulunkulu wenu uyanicondzisa abuye anijezise.

kuThithusi 2:14

Yena watinikela ngenca yetfu, kuze atesihlenga ebubini bonkhe atingcwelisele sive lesisakhe, lesinenshisekelo kutsi sente imisebenti lemihle.

YaJakobe 1:12

Ubusisiwe umuntfu lociniselako ekulingweni; ngobe nasaphumelele ekuvivinyweni kwakhe, uyakwemukeliswa umchele wekuphila lowetsenjiswa yiNkhosi kulabo labayitsandzako.

Sembulo 2:5

Khumbula-ke lapho uwe khona. Phendvuka wente loko lowawukwenta ekucaleni. Nakungenjalo, ungaphendvuki, ngitawuta kuwe, ngisuse sibane sakho endzaweni yaso.