Sembulo 3:17 - Siswati 1996 Bible

Wena utsi: “Nginjingile, nginako konkhe, angidzingi lutfo.” Kodvwa awati kutsi ungumuntfu wenhlupheko, newekuhawukelwa, uphuyile, uyimphumphutse, ungcunu.

Sembulo 3:17 Referencias Cruzadas

Genesisi 3:7

Emehlo abo bobabili ase ayavuleka, batibona kutsi bangcunu; base batfunga emacembe emkhiwa, batentela kwekuvunula.

Eksodusi 32:35

Ngako Simakadze watfumela sifo kubantfu, ngobe babecindzetele Aroni kutsi ababumbele litfole legolide.

Taga 13:7

Umuntfu lomunye utenta shangatsi ucebile, kantsi akanalutfo; lomunye atente shangatsi uphuyile, kantsi unjingile.

Taga 30:9

Nangingaba nako kube kunyenti, ngingahle ngicabange kutsi wena angisakudzingi, ngidzimate ngitsi: “Ngubani yena loSimakadze?” Nome-ke nangingaba luphuya, ngingahle ngebe, ngaloko ngihlazise Nkulunkulu wami.

Isaya 42:19

Ngubani loyimphumphutse ngaphandle kwenceku yami? Ngubani losihhulu njengesitfunywa lengisitfumako? Ngubani loyimphumphutse njengalotinikele kimi, loyimphumphutse njengenceku yaSimakadze?

Jeremiya 2:31

“Nine balesitukulwane, zindlani ngelivi laSimakadze lelitsi: Mine bengilihlane yini ku-Israyeli, nome-ke live lebumnyama lobukhulu? Sive sami sisholani kutsi: ‘Sikhululekile kutsi singajangaza, singeke siphindze site kuwe’?

Hoseya 12:8

Efrayimu uyatigabatisa, utsi: “Nginjinge kakhulu; senginemfuyo lenyenti. Ngalobunjinga bami bonkhe bangeke bakutfole lokubi nome sono kimi.”

Zakhariya 11:5

Batsengi bato bayatihlaba bangete bajeziswa. Labo labatitsengisako, batsi: ‘Akadvunyiswe Simakadze, sesinjingile!’ Ngisho nebelusi bato abanasihawu nato.

Matewu 5:3

“Babusisiwe labamphofu emoyeni, ngobe umbuso welizulu wabo.

Matewu 9:12

Jesu nakuva loko, wabaphendvula watsi: “Bantfu labaphilako abayidzingi inyanga, kodvwa ngulabagulako kuphela labayidzingako.

Lukha 1:53

Wesutsisa labalambile ngalokumnandzi, wacosha labanjingile bahamba bate lutfo.

Lukha 6:24

“Kodvwa maye, kubuhlungu kini nine leninjingile manje, ngobe phela seninako konkhe lokunijabulisako.

KubaseRoma 11:20

Ucinisile kuloko, ajutjwa ngenca yekungakholwa kwawo, kodvwa wena usime ngekukholwa kwakho. Ngako-ke ungatigabatisi, kodvwa mani ngekwesaba.

KubaseRoma 11:25

Bazalwane, ngitsandza kutsi niyati lemfihlakalo yeliciniso; ngobe naningayati, ningahle nicabange kutsi nihlakaniphile. Lemfihlakalo kutsi labanye bema-Israyeli behlelwa bulukhuni khona kutewutsi betive bahlunyeleliswe ngalokuphelele.

KubaseRoma 12:3

Ngenca yesipho semusa saNkulunkulu kimi, ngitsi kini nonkhe: Ningacabangi kutsi nibakhulu kunaloku leningiko. Esikhundleni saloko zitsani ekucabangeni kwenu, ngulowo nalowo atehlulele ngebungako bekukholwa kwakhe lakunikwe nguNkulunkulu.

KubaseRoma 7:24

Maye kimi! Mine sihlupheki! Ngitawukhululwa ngubani mine kulomtimba wekufa?

2 yaPhetro 1:9

Ngobe lowo lote letintfo, uyimphumphutse, uyafifiyela, sewukhohliwe kutsi wahlantwa etonweni takhe takucala.

Sembulo 16:15

“Lalelani! Ngiyawufika njengelisela! Ubusisiwe lolindzile, agcine tingubo takhe kutsi angahambi ngcunu, kudzimate kubonakale lihlazo lakhe.”

Sembulo 2:9

Ngiyakwati kuhlupheka kwakho; ngiyabati buphuya bakho, kodvwa ube unjingile. Ngiyakwati lokubi lokushiwo ngulabo labatsi bangemaJuda kantsi abasiwo, kodvwa babe balisinagoge laSathane.

Sembulo 3:16

Njengobe usivuvu, ungacandzi ungashisi, ngitakukhafula emlonyeni wami.