Nkulunkulu Simakadze wamilisa emhlabatsini tonkhe tihlahla letibukekako letimnandzi; ekhatsi nensimi wamilisa sihlahla sekuphila kanye nesihlahla sekwati lokuhle nalokubi.
Sembulo 22:14 - Siswati 1996 Bible “Babusisiwe labo labatigezako tingubo tabo, kuze kutsi babe nelilungelo lekudla esihlahleni sekuphila, babe nelilungelo lekungena ngemasango ekhaya. |
Nkulunkulu Simakadze wamilisa emhlabatsini tonkhe tihlahla letibukekako letimnandzi; ekhatsi nensimi wamilisa sihlahla sekuphila kanye nesihlahla sekwati lokuhle nalokubi.
Nkulunkulu Simakadze watsi: “Ase nibuke, Adamu sewunjengatsi, sewuyakwati lokuhle nalokubi. Angahle akhe kulesihlahla sekuphila adle, bese uphila kuze kube phakadze naphakadze.”
Haleluya, dvumisani Simakadze! Ubusisiwe umuntfu lowesaba Simakadze, lotijabulisa ngekugcina imiyalo yakhe.
Simakadze wakhuluma kuMosi, watsi: “Buyela kubantfu ubatjele kutsi batihlambulule lamuhla nakusasa, bageze tingubo tabo;
Ngako Jesu waphindza watsi kubo: “Ngicinisile, ngicinisile, ngitsi kini: Mine ngilisango letimvu.
Mine ngilisango, umuntfu nakangena ngami uyawusindziswa; uyawungena, aphume, akhandze lidlelo.
Jesu watsi kuye: “Mine ngiyindlela, neliciniso, nekuphila. Kute longeta kuBabe nakangeti ngami.
Kantsi wena umkhulu yini kunababe wetfu Jakobe lowasinika lomtfombo? Yena wanatsa kuwo kanye nemadvodzana akhe nemihlambi yakhe.”
Kusoka akusho lutfo, nekungasoki akusho lutfo. Lokusho lutfo kugcina imiyalo yaNkulunkulu.
Site yini lilungelo lekutsi lowo nalowo ahambe nemkakhe lokholwako, njengalabanye baphostoli, nabomnakabo beNkhosi, naKhefase?
Ngobe kuKhristu Jesu kusoka nekungasoki akunamsebenti, kodvwa kuphela kukholwa lokusebenta ngelutsandvo.
Wonkhe umuntfu lonalo lelo tsemba kuKhristu uyatihlambulula, njengobe naKhristu ahlambulukile.
Ngobe kutsandza Nkulunkulu kugcina imiyalo yakhe. Imiyalo yaNkulunkulu ayimatima kitsi.
“ ‘Lowo lonendlebe akeve loko lokushiwo nguMoya emabandleni! “ ‘Loncobako ngiyawumnika kutsi adle esihlahleni sekuphila, lesisePharadisi yaNkulunkulu.’ ”
Belinelubondza loludze loluphakeme kakhulu, lunemasango lali-12. Kulamasango bekunetingilosi letili-12. Bekubhalwe kuwo emabito etive letili-12, emadvodzana a-Israyeli.
Kute lokungcolile lokuyawungena kulo, ngisho nalowenta lokubi nalonemacebo angeke angene kulo; kodvwa kuyawungena kuphela labo emabito abo labhaliwe encwadzini yekuphila yeliWundlu.
Ageleta ehla nemgwaco welikhaya. Ngale nangale kwalomfula bekunesihlahla sekuphila. Besitsela titselo emahlandla lali-12 ngemnyaka, lokusho kutsi kanye ngenyanga. Emacembe aso abephilisa tive.
Jesu watsi: “Lalela la, ngiyeta masinyane! Babusisiwe labo labeva lamavi alesiphrofetho bawente.”
Ngatsi kulo: “Nkhosi, nguwe lobatiko.” Lase litsi kimi: “Laba-ke ngibo labaphume ekuhluphekeni lokukhulu. Bageze tingubo tabo taba mhlophe ngengati yeliWundlu.