Sembulo 21:1 - Siswati 1996 Bible

Ngase ngibona lizulu lelisha nemhlaba lomusha; ngobe lizulu lekucala nemhlaba wekucala bese kwendlulile, nelwandle lungasekho.

Sembulo 21:1 Referencias Cruzadas

Isaya 27:1

Ngalelo langa Simakadze uyawujezisa ngenkemba yakhe leyesabekako, lenkhulu nalenemandla lamakhulu, uyawujezisa Leviyathani, inyoka lenyelelako, yebo, Leviyathani, inyoka letibutsako; yena uyawubulala silo saselwandle.

Isaya 51:11

Labahlawulelwe baSimakadze bayawubuya. Bayawungena eSiyoni ngekuhlabela nangekujabula kwaphakadze lokuyawuba ngumchele etinhloko tabo. Kutfokota nekujabula kuyawuba kubo, lusizi nekububula kubabalekele.

Isaya 57:20

Kodvwa lababi banjengelwandle loluyalutelako, lwandle lolute kuphumula, lolumagagasi alo akhephuta ludzaka nelubishi.

Isaya 66:22

Simakadze utsi: “Njengobe emazulu lamasha nemhlaba lomusha lengikudalako kuyawuhlala kukhona embikwami, kanjalo libito lakho netitukulwane takho tiyawuhlala tikhona.

Danyela 7:3

Kwakhuphuka letikhulu tilo letine, nguleso sehlukile kulesinye, taphuma elwandle.

KubaseRoma 8:21

lekutsi nendalo ngalelinye lilanga iyawukhululwa kulobugcili bekubola, ibe nesabelo kulenkhululeko nebukhosi bebantfwana baNkulunkulu.

2 yaPhetro 3:10

Kepha lilanga leNkhosi liyawufika njengelisela, mhlazana emazulu ayakwendlula ngekuhlokoma; tonkhe tisekelo temkhatsi tiyakusha tincibilike, umhlaba nemisebenti lekuwo kuyawusha.

2 yaPhetro 3:13

Kepha ngesetsembiso sakhe silindzele emazulu lamasha, nemhlaba lomusha, lapho kubusela khona kulunga.

Sembulo 13:1

Ngabona silo siphuma elwandle, sasinetimphondvo letilishumi, netinhloko letisikhombisa, kuleyo nakuleyo nhloko kwakuneligama lelihlambalatako.

Sembulo 20:11

Ngase ngibona lesikhulu sihlalo sebukhosi lesimhlophe, nalohleti kuso. Lizulu nemhlaba kwambalekela kwanyamalala ebusweni bakhe, akuzange kuphindze kutfolakale ndzawo.

Sembulo 21:5

Lona bekahleti esihlalweni sebukhosi watsi: “Konkhe sengikwenta kube kusha.” Wachubeka watsi: “Kubhale loku lengikukhulumako, ngobe kungemavi letsembekile nalacinisile.”

Sembulo 6:14

Sibhakabhaka sanyamalala njengekugocotwa kwelicansi; tonkhe tintsaba netichingi tesuswa etindzaweni tato.